Tila nabunutan na ng tinik ang naging Campaign Spokesman ni incoming President Rodrigo Duterte na si Peter Laviña.
Ito’y makaraang maaresto na ng mga awtoridad ang mga kawatang ginagamit ang kaniyang pangalan para maka-pangikil ng malaking halaga ng pera.
Ani Laviña, maliban sa pera, nais ng mga kawatan na masira ang kaniyang pangalan lalo na ng susunod na pangulo ng bansa.
Magugunitang may isang grupo na humihingi ng Isang Milyong Piso sa isang bangko gamit ang pangalan ni Laviña para sa ginawang Thanksgiving Party.
Ngunit naisahan ang bangko at natangayan sila ng malaking halaga ng pera nang mapag-alamang nabiktima sila ng mga kawatan.
By: Jaymark Dagala
