Kumpleto na ang canvassing ng plebisito mula sa mga bayan ng Pigcawayan, Aleosan, Carmen at Tulunan, North Cotabato.
Ayon sa COMELEC o Commission on Elections, ganap na alas 10:00 ng Huwebes ng umaga, lumabas na 21 sa 67 barangay sa mga nabanggit na bayan ang pumabor na makiisa sa Bangsamoro Autonomous Region in Muslim Mindanao o BARMM.
Sinabi rin ni COMELEC-Region 12 Director Michael Abas na naging mapayapa ang pagtatapos ng canvassing sa probinsya.
90 porsyento na aniya ng election returns ang na-canvass ng COMELEC.
Dahil dito, lumalabas na 54 porsyento ang voters’ turnout sa lugar.
