Inamin ni Luis Antonio Cardinal Tagle na natakot at nangamba siya habang nagpapagaling sa COVID-19.
Sa isang online conference ng mga Catholic educators, sinabi ni Cardinal Tagle na bagamat gumaling na siya sa virus, ay nariyan pa rin ang kanyang pangambang makahawa sa ibang makakasalamuha.
Pagdidiin pa ni Cardinal Tagle na sa oras ng kanyang pag-iisa habang naka-isolate, nabatid aniya nito na nararapat pa ring manaig ang ating pananampalata sa Panginoong Diyos.
