Hindi nagseselos si Kapuso actress Carla Abellana sa intimate scenes ng rumored dyowang si Tom Rodriguez at beauty queen Megan Young sa palabas nilang Mari Mar.
Nagbibirong pahayag ni Carla na napapabuhat siya ng mabigat sa kaniyang workout na sabay sa timeslot ng Mari Mar kaya’t nakakapanood siya nito.
Sinabi ni Carla na alam naman ng lahat na trabaho lang ang mga sweet moments nina Megan at tom na kapwa naman aniya epektibo sa pagpapakilig ng kanilang viewers.
Ayon pa kay Carla, hindi na kailangan ng blessing niya ang mga kissing scene nina Tom at Megan dahil trabaho nga lang aniya ang lahat.
By Judith Larino
