Vietnam ang next stop ng Kapuso actress na si Carla Abellana matapos mag-New Year sa Amerika kasama ang boyfriend na si Tom Rodriguez.
Halos ilang oras lamang nagpahinga si Carla pagdating sa Pilipinas mula Amerika nang magbiyahe na patungong Vietnam kung saan niya personal na tatanggpin ang Favorite Foreign Actress Award.
Sinasabing muntik pang hindi matuloy ang biyahe ni Carla pa-Vietnam dahil hindi kaagad dumating ang kanyang mga bagahe mula sa pinanggalingan niya sa Arizona.
Ayon kay Carla, hindi lamang ang GMA Network ang dala niya kundi ang Pilipinas sa aniya’y malaking karangalan mula sa ibang bansa.
Kasabay nito, ibinalita ni Carla ang pinagdaraanang sakit ng ama ng boyfriend na si Tom at positibo naman aniya ang buong pamilya na gagaling ito sa hindi binanggit na sakit.
By Judith Larino
