Casualties sa Marawi siege nasa 507 na ang bilang

Umakyat na sa mahigit 500 ang bilang ng mga nasawi mula nang sumiklab ang bakbakan sa pagitan ng militar at ng teroristang Maute sa Marawi City halos Dalawang buwan na ang nakalilipas.

Ayon kay Presidential Communications Asec. Ana Marie Banaag, 507 na ang kabuuang bilang ng mga nasasawi kung saan, 379 dito ang mula sa hanay ng mga kalaban.

Nasa 89 naman aniya ang nalagas sa panig ng mga tropa ng pamahalaan habang nasa 39 naman ang mga sibilyang nadamay sa bakbakan.

Kasunod nito, mariing pinabulaanan ng AFP o Armed Forces of the Philippines na may ginagawa silang under reporting sa mga nasawing sibilyan dahil maingat nila itong sinasala upang hindi maihalo sa mga nasawing terorista.

By: Jaymark Dagala

Comments

comments