Wala pang naitatalang nasawi o casualty ang NDRRMC o National Disaster Risk Reduction and Management Council sa pag-aalburoto ng Bulkang Taal kahapon.
Ayon kay NDRRMC Undersecretary Ricardo Jalad, patuloy ang kanilang pagbabantay sa aktibidad ng bulkan.
Gayundin ang monitoring sa pagpapalikas sa mga residente ng 5 barangay na nasa loob ng 7km danger zone.
Kasabay nito, nagpaalala si Jalad sa publiko na sa ilalim ng alert level 3 ay mandatory na ang pagpapalikas sa mga residenteng na nasa high-risk areas.
Dagdag pa ni Jalad, maliban sa panganib na hatid ng pag-aalburuto ng bulkan, nariyan din ang pangamba sa posibleng lahar flow sa ilang bahagi ng Batangas dahil sa nakaambang sama ng panahon.
Samantala, ipinabatid ni Jalad na kanilang pinag-pa-planuhan na ang rollout ng vaccination para sa mga first responders at mga evacuees.