Isang sunog ang sumiklab sa isang residential area sa Payatas, Quezon City, kaninang umaga.
Batay sa ulat, sampung kabahayan ang naapektuhan ng sunog.
Nabatid na dalawa sa mga bahay ay ginagamit bilang storage space ng foam.
Sa ngayon ay wala pang detalye kaugnay sa sanhi, bilang ng nasaktan at halaga ng pinsala ng nangyaring sunog sa lugar.
Arestado ng mga otoridad ang mag-amang kinilalang sina Archieval David Tesoro, 44-anyos, at Aldrich Gabriel Tesoro, 21-anyos na nakuhanan ng mahigit 100 gramo ng shabu sa Brgy. San Antonio, Parañaque City.
Nakuha sa ikinasang buy-bust operation ng mga tauhan ng station drug enforcement unit at Sub Station 5 ang mga iligal na droga na may street value na aabot sa mahigit 700 libong piso kasama ng marked money at isang wallet.
Nakakulong na ang mag-amang suspek Sa Parañaque City Police Station Custodial Facility at nakatakdang sumailalim sa inquest proceedings.
Patay matapos magbigti ang isang tauhan ng Philippine Coast Guard (PCG) sa loob ng Pcg compound sa Gate 2 Parola, sa Tondo, Maynila.
Kinilala ang biktimang nasawi na si CG Apprentice Seaman o ASN Senen Arquiza Jr., 29-anyos na natagpuang wala nang buhay ng kanyang kasamahan na si CG ASN James Daryl Acaylar sa hagdanan ng PCG station.
Ayon kay Acaylar, huli niyang nakitang buhay ang biktima habang ka-videocall ang kasintahan kung saan, nagkaroon umano ng pagtatalo.
Matapos mag-usap ng dalawa ay tahimik na lamang na umupo sa hagdanan si Arquiza pero makalipas ang ilang oras ay nakatanggap ng text message si Acaylar mula sa kasintahan ng biktima at nakikiusap na puntahan ang kaniyang nobyo dahil nag-aalala umano ito.
Nang puntahan ni Acaylar ang biktima, dito niya nadiskubre si Arquiza na nakabigti na ang leeg sa beam ng kisame, gamit ang isang nylon cord.
Sinubakan pa umanong humingi ng tulong ni Acaylar sa PCG Medical Staff para i-revive ang biktima pero wala na umanong response si Arquiza.
Inaalam na ng mga otoridad ang dahilan ng pagpapakamatay ng biktima. - sa panulat ni Angelica Doctolero
Hinuli ng mga tauhan ng Southern Police District ang anim na suspek matapos makuhanan ng aabot sa mahigit P200,000 halaga ng iligal na droga sa ikinasang buy-bust operation sa barangay Bangkal, Makati City.
Ayon sa SPD, agad nilang inaresto ang mga suspek matapos positibong tanggapin ang buybust money mula sa mga pulis na nagpanggap na poseur buyer.
Nakuha sa mga suspek ang siyam na plastic sachet ng hinihinalang shabu na may street value na P217,000; pitong plastic sachet na naglalaman naman ng tatlumput limang gramo ng pinatuyong dahon ng marijuana na nagkakahalaga naman ng P4,200.
Nahaharap ngayon sa kasong paglabag sa RA 9165 o Comprehensive Dangerous Drugs Act of 2002 ang mga inarestong suspek. —sa panulat ni Angelica Doctolero
Inaresto ng mga otoridad ang apat na suspek sa ikinasang Anti-Illegal Drug Operation sa Parañaque City.
Kinilala ang mga suspek na sina Sunsodin Abuin Nulotan, alyas “Kiram,” 33-anyos; Alvin Sakatani Dalamban, 25-anyos; Rohanin Ungad Kali, 22-anyos; at Fatima Almira Delos Santos Abdulmari, 26-anyos.
Ayon sa mga tauhan ng Parañaque City Police Station, nasamsam sa mga suspek ang aabot sa dalawamput limang gramo ng shabu o katumbas ng labing anim na pakete ng shabu na may street value na P170,000; marked money at isang wallet.
sa ngayon, pansamantalang nakapiit sa Parañaque City Police Station Custodial Facility ang apat na suspek at nakatakdang sampahan ng kasong paglabag sa Republic Act 9165 o Comprehensive Dangerous Drugs Act of 2002.
Muling inireklamo sa Ombudsman si Malabon City mayor Lenlen Oreta dahil sa umano’y ilegal na paggastos ng pondo ng United Financial Assistance System for Tertiary education (UniFAST) para mga mag-aaral ng CMU o City of Malabon University.
Bukod kay Oreta, kabilang sa mga kinasuhan ng technical malversation at plunder ang mga miyembro ng lupon ng CMU at sangguniang panlungsod ng Malabon.
Ayon kay Dennis Garcia Padua, residente ng Malabon, dapat managot ang grupo ni Oreta kung saan kabilang sa kanilang mga ebidensya ang statement of accounts na nagpapakita ng listahan ng mga estudyanteng nakinabang sa tulong pinansiyal ng UNIFAST na ang mga beneficiary ay nasa halos limang libo.
Sinabi ni Padua na 46 million pesos lamang mula sa 80 million pesos na inilabas na pondo para sa mga beneficiary ng UniFAST ang nagamit noong 2020 samantalang 55 million pesos mula sa 90 million pesos ang napasakamay ng mga student beneficiary noong isang taon.
Puspusan na ang paghahanda ng mga residente sa 10 Barangay sa Quezon City sa pinalawig na water service interruption ng Maynilad.
Ang mga apektadong barangay ay ang San Jose, Santa Teresita, Santo Domingo, Sauyo, Siena, Sta. Lucia, Sta. Monica, Talayan, Talipapa at Tatalon.
Sa abiso ng Maynilad, hanggang katapusan ng Abril ang water service interruption na nararanasan sa ilang lugar sa Metro Manila at Bulacan.
Babalik na dapat noong April 15 ang water supply subalit pinalawig dahil sa mataas na demand bunsod ng mainit na panahon at mabilis na pagkaubos ng tubig sa ilang reservoir.
Tuwing alas-10 ng gabi hanggang alas-4 ng madaling araw ang off-peak water interruption ng Maynilad.
Aabot sa 50 bahay ang natupok ng sumiklab na sunog sa dulong tangke sa malinta sa Valenzuela City kahapon.
Ayon kay Valenzuela Fire Director Superintendent Bernard Batnag Jr., umabot sa ikalawang alarma ang sunog.
Dahil gawa sa light materials ang karamihan sa mga bahay ay madaling kumalat ang apoy.
Nahirapan din sa pagpasok ang mga nagrespondeng firetrucks lalo’t nasa dulong bahagi ng barangay ang sunog.
Isa rin sa tinitignang problema ang mahinang pressure ng tubig mula sa Maynilad.
Wala namang naitalang casualty sa sunog pero may dalawang sugatan na nadala na sa ospital at nasa maayos nang kalagayan. —- sa panulat ni Abby Malanday
Blangko pa rin ang awtoridad sa motibo sa pamamaril sa isang negosyanteng Chinese sa P. Burgos St. corner Victoria St. sa Maynila.
Kinilala ang biktima na si Kim Lok Sy, 50 years old, residente ng JP Rizal St.Valenzuela City.
Sa inisyal na imbestigasyon, lulan ng kanyang sasakyan si Sy kasama ang isa pang negosyante na si Dexter Tan nang barilin ito ng hindi pa nakikilalang salarin bago mabilis na tumakas sakay ng isang motorsiklo.
Agad na isinugod sa ospital si Sy habang masuwerteng hindi tinamaan ang kasamahan nito.
Patuloy ang imbestigasyon sa nasabing pamamaril.
Isang Filipino-Chinese ang pinagbabaril sa harap ng Manila City Hall na sakop ng Victoria Street, Padre Burgos Avenue.
Base sa imbestigasyon, sakay ng isang SUV Toyota Fortuner ang biktimang kinilalang si Kim Lok Sy, 50-anyos at residente ng 38 JP Rizal St., Arty Subdivision, Valenzuela City.
Agad na isinugod sa Manila Medical Center ang biktima at nasa mabuting kalagayan na ngayon.
Patuloy naman ang paghahanap ng mga otoridad ang mga suspek na tumakas matapos ang krimen. – sa panulat ni Angelica Doctolero