FOREIGN

Pumalo na sa 11 katao ang namatay dahil sa Guillain-Barre syndrome sa Maharashtra sa India.

Kaugnay nito, ayon sa mga health official ng India, 211 katao na ang tinamaan ng nasabing sakit; kung saan 183 ang kumpirmado habang 28 ang suspected cases.

Dahil dito, ipinag-utos na ng pamahalaan sa mga health authority na gumawa na ng mabilis na aksyon upang mapigilan ang pagkalat ng GBS.

Ang GBS, ay isang pambihirang kondisyon nagdudulot ng pagkamanhid; at panghihina ng mga muscle.

Kabilang sa mga sintomas nito ang labis na panghihina ng limbs. – Sa panulat ni John Riz Calata

Labinglima ang patay, kabilang ang sampung kababaihan at tatlong bata, matapos ang crowd crush sa New Delhi station.

Ayon sa Indian Media, dumagsa ang mga pasahero para sumakay sa tren na patungo sa pinakamalaking religious gathering sa buong mundo.

Sinasabing kumapal ang mga pasahero dahil na-delay ang dalawang tren kaya nagkaroon ng overcrowding.

Naganap ang insidente ilang linggo lamang matapos ang isa pang crowd crush na ikinamatay ng ilan pang katao sa mismong pagtitipon. –  Sa panulat ni Laica Cuevas

Inanunsyo ni U.S. President Donald Trump na puputulin na nila ang pagpopondo sa South Africa.

Ayon sa Pangulo, ito ay dahil sa pagbawi ng south africans sa mga lupa at maling pag-trato sa mga tao.

Sa datos ng US government statistics, nakapagbigay ang Amerika ng halos 440 US dollars sa Africa noong 2023.

Noong nakaraang buwan lamang nang sabihin ni South African President Cyril Ramaphosa na hindi nila ikinababahala ang relasyon ng kanilang bansa sa Estados Unidos. –  Sas panulat ni Laica Cuevas

Nanawagan ang World Health Organization sa Estados Unidos na panatilihin ang kanilang suporta sa HIV treatment programs sa developing countries.

Kasunod ito ng freeze order ni US President Donald Trump sa kanilang foreign aid sa ibang mga bansa.

Dagdag pa ng UN Health body, labis silang nababahala sa nasabing hakbang ng Amerika.

Sinabi ng who na sakaling itigil ng US ang pagsuporta sa nasabing programa, posibleng tumaas ang mga kaso at bilang ng mga mamamatay sa HIV.

Magpapatuloy ang operasyon ng mga otoridad sa US sa pagpapalayas ng mga iligal migrants.

Ayon sa Immigration and Customs Enforcement, mas pinaigting nila ang pag-aresto sa mga immigrants na mga lungsod kabilang na ang Chicago, Atlanta, Los Angeles at Austin, Texas.

Magpapatuloy ang kanilang pag-aresto dalawa o tatlong beses sa isang linggo.

Tiniyak naman ni Defense Secretary Pete Hegseth na magbibigay sila ng anumang tulong para proteksyon ng Southern Border ng US. – Sa panulat ni Jeraline Doinog

11 ang patay habang 5 iba pa ang sugatan matapos ang rail accident sa india.

Ayon sa mga otoridad, bumaba ng tren ang mga pasahero dahil sa pag-aakalang may sunog.

May humila anila sa alarm chain ng tren dahilan para tumigil ito, at sa takot ng mga pasahero, lumabas ang mga ito sa tren at saka nakaladkad ng isa pang tren sa kabilang linya.

Matatandaang noong 2023, mahigit 280 rin ang namatay matapos ang banggan ng tren sa nasabing bansa. –  Sa panulat ni Laica Cuevas

Sisimulan na ni US President Donald Trump ang mass deportation o illegal immigrant sa Estados Unidos.

Nabatid na umaabot na sa halos 14 na milyon sa amerika ang sinasabing “Crminal alliens.”

Ito ang inanunsyo ni US President Trump kasunod ng kaniyang panunumpa bilang ika-47 na Pangulo sa Amerika.

Batay sa pag-aaral ng ilang mga ekperto, mag papadala si US President Trump sa Mexico Border para mapigilan ang iligal na pagpasok sa kanilang bansa na idineklara bilang national emergency.

Kaugnay nito, nais rin ni Trump na hindi na kilalanin ng us citizenship ang mga isinilang sa Amerika ng mga magulang na nakapasok sa bansa ng iligal. – Sa panulat ni Jeraline Doinog

Halos 20 indibidwal na ang patay habang apat ang sugatan sa landslide at flash floods sa Indonesia.

Ayon sa mga otoridad, lima ang kumpirmadong nawawala kasunod ng pagtama ng malakas na pag-ulan sa naturang bansa.

Nahihirapan din anya ang mga otoridad na magsagawa ng rescue operation dahil sa makapal na putik dulot ng landslide.

Posible namang tumaas pa ang bilang ng mga nasawi dulot ng malakas na pag-ulan.

Nagagamit na muli ang video sharing app na Tiktok sa Amerika.

Ito’y matapos na i-anunsyo ng Tiktok na ibinalik na nila ang kanilang serbisyo sa U.S., matapos sabihin ni President-Elect Donald Trump na susubukan niyang ipagpaliban ang ban sa pamamagitan ng isang executive order.

Ayon kay Trump, nais niya na mayroong 50% ownership position ang Amerika sa isang venture.

Nagpasalamat naman ang tiktok sa ginawang hakbang ni President-Elect Trump at tiniyak na makikipagtulungan ito para sa pagpapatuloy ng kanilang serbisyo sa US.

Aabot sa 50 migrante, karamihan ay mga pakistani, ang pinangangambahang nalunod matapos ang panibagong pagtatangka na pagtawid ng mga ito mula West Africa patungo sa Canary Islands sa Spain.

Ayon sa Moroccan authorities, 36 katao ang kanilang na-rescue mula sa bangkang umalis ng Mauritania at may sakay na mahigit 80 pasahero.

Sinasabing halos dalawang linggong nanatili sa karagatan ang mga migrante bago nakarating ang rescuers.

Sinabi ng Spain Maritime Rescue na huli na nila nalaman ang insidente matapos matanggap ang ulat ng migrant rights group kaugnay sa nagka-problemang bangka, ngunit hindi makumpirmang ito ang kaparehong bangka. –  Sa panulat ni Laica Cuevas