HEADLINES

Bumagal ang pagtaas ng presyo ng mga bilihin noong Agosto.

Batay sa ulat ng Philippine Statistics Authority (PSA), nasa 3.3% ang inflation rate noong nakaraang buwan; mas mababa kumpara sa naitalang 4.4% noong nagdaang Hulyo.

Dahil dito, pasok na ang 3.6% average inflation rate mula Enero hanggang Agosto sa target ng pamahalaan na 2% hanggang 4%.

Ayon sa PSA, ang pagbaba ng inflation rate ay dulot ng mas mabagal na pagtaas ng presyo ng mga pagkain at nonalcoholic beverages na pumapalo na sa 3.9%, mula sa 6.4% noong Hulyo.

Maging ang pagtaas ng presyo ng bigas, harina at iba pang bakery products, karne, at transportasyon ay bumagal din.

Kaugnay nito, tiniyak ni Pangulong Ferdinand Marcos Jr. na palalawakin pa ang Kadiwa ng Pangulo program sa Visayas at Mindanao upang matiyak na mananatiling abot-kaya ang mga bilihin para sa mga Pilipino.

Samantala, umaasa naman ang Department of Agriculture (DA) na magtuloy-tuloy ang pagbagal ng galaw ng presyo ng bigas sa bansa.

Nagsumite na ang Magsasaka Party-list group ng listahan ng mga nominado sa Commission on Elections (Comelec) nitong Miyerkules makaraang magdesisyon ang grupo na ang una nilang nominee ay si Atty. Argel Cabatbat na nagsasabing siya ang nararapat na kumatawan sa kanila sa House of Representatives.

Pinangunahan ni Cabatbat, chairman ng Magsasaka ang pagsusumite ng listahan, kasama sina Mario Palacay at Reynaldo Dela Peña, mga miyembro ng council of leaders.

Nabatid na ginawa ng grupo ang hakbang matapos magdesisyon ang Korte Suprema na valid ang pagkakatanggal kay Soliman Villamin Jr. bilang national chairperson.

Iginiit ng korte na hindi maaaring ituring na kinatawan ng Magsasaka si Villamin dahil sinibak na siya bilang opisyal ng grupo.

Samantala, kabilang sa listahan ng nominees na isinumite ng grupo ang mga sumusunod:

1. Argel Joseph Cabatbat (representative of Magsasaka Partylist, 18th Congress, farmers’ Lawyer)
2. Ariel Cayanan (dating DA Usec)
3. Dante Lazatin (Regional Manager, Irrigators Association, Upper Pampanga River Integrated Irrigation System na dati ring magsasaka)
4. Rafael Naral (dating Mayor, Anao, Tarlac, at magsasaka)
5. Reynaldo Dela Peña (farmer-leader, President, Farmers Association, Orion, Bataan)
6. Dennis Zuñiga (chairman, Provincial Agriculture and Fisheries Council, Aurora Province)
7. Mario Palacay (magsasaka, former Chairman, Municipal Agricultural and Fisheries Council, Floridablanca, Pampanga)
8. George Cabatbat (magsasaka, former councilor, Guimba, Nueva Ecija
9. Mark Joseph Cabatbat (Certified Public Accountant, co-founder, Magsasaka Outlet)
10. Marx Josef Mission (Partylist National Coordinator)

Matatandaang nagsagawa ng special general assembly at victory party ang Magsasaka Party-list na dinaluhan ng 7,996 delegado mula sa Region 3, kasama ang mga taga-Nueva Ecija, Bataan, Zambales, Tarlac, Bulacan, Pampanga, Aurora.

Dito’y binigyang-diin ni Cabatbat na ang Magsasaka ay tunay na kumakatawan sa interes ng mga Pilipinong magsasaka.

“Ang may-ari ng Magsasaka Partylist ay ang mga magsasaka. Kayo ang dapat masunod. Kayo ang dapat pakinggan. Nasa inyo ang desisyon kung sino ang gusto ninyong mamuno. Hindi tayo katulad ng ibang partylist na pagmamay-ari ng iilan lamang,” ani Cabatbat.

“Ang pagkapanalo sa Supreme Court ay pagkapanalo ng mga magsasaka, pagkapanalo ninyo,” dagdag pa niya.

Pinatututukan ni Pangulong Ferdinand Marcos Jr. sa mga ahensya ng pamahalaan ang paghahatid ng tulong para sa mga biktima ng Bagyong Enteng.

Sa isang pahayag, ibinahagi ni Pangulong Marcos na higit sa P16 million na humanitarian aid ang ipinagkaloob na ng Department of Social Welfare and Development (DSWD) sa mga lugar na lubos na nasalanta ng bagyo.

Mayroon ding inilaan ang pamahalaan na P65.56 million na standby funds at P2.6 billion na halaga ng food at non-food items na handang ipamahagi sa mga higit na nangangailangan.

Bukod pa rito ang P480.61 million na halaga ng health logistics na gagamitin para sa agarang serbisyong medikal.

Kaugnay nito, ipinabatid ng pangulo na higit sa 63,000 na indibidwal ang ligtas na nailikas sa 452 evacuation centers sa iba’t ibang bahagi ng bansa.

Bagamat inaasahang makalalabas na sa Philippine Area of Responsibility (PAR) ang Bagyong Enteng ngayong araw, September 4, tiniyak ni Pangulong Marcos na tuloy-tuloy ang pagtugon ng pamahalaan sa masamang epekto ng kalamidad.

Procter & Gamble (P&G) Philippines, proudly celebrates its Homecare Brand Director Ian Phillip Villaruel, honored as one of the 2024 ‘Top Filipino Youth Marketers’ at the 19th Mansmith Young Market Masters Awards (YMMA). Villaruel’s exceptional brand building and marketing management for P&G’s dishwashing liquid brand Joy has been recognized with this accolade.

The Mansmith YMMA is an esteemed recognition program in the Philippines organized by Mansmith and Fielders, Inc. The program recognizes the excellence of young marketers and entrepreneurs 35 years old and below in the areas of brand and marketing management, business development, and entrepreneurship.

As a Brand Director, Villaruel leads in promoting Joy’s superiority in cleaning dishes. Joy is the market leader in the dish care category known for its memorable slogan “Isang patak, isang katutak,” which emphasizes its superiority in grease cleaning.

Villaruel’s leadership extends to organizational development in P&G Philippines. He plays a crucial role in supporting the capability arm of P&G’s brand organization, which is responsible for devising plans to equip the Brand Marketing Function with the necessary marketing and leadership skills. He has led a series of training for new P&G Brand Managers by localizing the company’s global marketing trainings.

As one of the country’s top employers, P&G is committed to investing in talent and fostering exceptional leadership. With a “grown from within” culture, P&G offers meaningful career paths, hands-on mentorship from top business leaders, opportunity to lead billion-dollar brands, and to become purpose-driven industry leaders.

P&G’s Brand Marketing leaders have consistently been recognized at the Mansmith YMMA since 2010, spearheading some of the most iconic marketing campaigns and success stories in the country for leading consumer brands, such as Safeguard, Head & Shoulders, and more.

“This award is a testament to the dedication and hard work of the brand builders at P&G who ensure we continue to deliver superiority, innovation and value to our consumers. I would like to express my sincere appreciation to my team and our P&G leaders who have supported me in my journey,” says Villaruel

Visit pgcareers.com to learn more about P&G and its job openings.

Umalma si Special Envoy of the President to China for Trade and Investment and Tourism Benito Techico sa pahayag ni Atty. Ferdinand Topacio hinggil sa larawang inilabas nito kung saan kabilang siya at si Pangulong Bongbong Marcos sa kasama ni Cassandra Li Ong.

Bagama’t umamin si special envoy Techico na totoo ang larawan, sinabi nitong mali ang istoryang inilabas ni Atty. Topacio hinggil dito.

Nilinaw ng opisyal na kuha ang litrato sa isang restaurant sa Pasay City nuon pang 2020 kung saan hindi pa Pangulo ng bansa si PBBM.

Nakahiligan na lamang aniya nilang magkakaibigan na kumain sa labas at subukan ang mga pagkain mula sa iba’t ibang kultura

Sinabi ng special envoy na ang tunay na kuwento sa larawan ay kumakain silang magkakaibigan kasama ang Pangulo at si unang ginang Liza Araneta Marcos nang bigla aniya silang pakiusapan ng may-ari ng restaurant para makapagpakuha ng litrato ang grupo ni Cassandra Li Ong kasama ang iba pang Chinese nationals.

Bilang public figure ay nagpaunlak naman sila anya para magpalitrato ang grupo ng pangulo subalit hindi nila talaga kilala si Ong.

Binigyang-diin pa ng special envoy na nagsalita na rin siya para i-depensa ang Pangulo na aniya’y puspusan sa pagtatrabaho .

Pakiusap ng opisyal, magsabi ng katotohanan para maka-usad aniya ang bansa.

Isa nang malamig na bangkay ang isang lalaki nang matagpuang palutang-lutang sa isang water irrigation sa Cabugao, Ilocos Sur.

Kinilala ng Cabugao Municipal Police Station ang natagpuang bangkay na si reynold agcaoili  valoria, 52-anyos.

Sa imbestigasyon ng awtoridad, dumalo ang biktima sa debut party ng ka-barangay.

Hinala ng mga residente na posibilidad na nahulog sa naturang water irrigation ang biktima habang naglalakad pauwi dahil sa kalasingan.

Dinala naman kaagad sa ospital ang biktima ng Cabugao MPS.

Gayunman, ang biktima ay idineklarang patay na ng  doktor.

NAMAHAGI si Senador Lito Lapid ng family food packs para sa 750 mangingisda sa Limay, Bataan nitong Huwebes, August 22, 2024.

Sa kanyang mensahe, sinabi ni Lapid na mahalagang maabutan ng kahit konting tulong ang mga mangingisdang biktima ng oil spill mula sa lumubog na barko sa Lamao point, Limay, Bataan kamakailan.

Inaasahan ni Lapid na kahit papaano ay maitatawid ng mga pamilya ng mangingisda ang kanilang pangangailangan sa naibigay na food packs.

Noong July 25, lumubog ang MT Terranova na may kargang 1.4 million litro ng industrial fuel sa karagatan ng Lamao point, Limay.

Noong August 6, ideneklara na ni Bataan Governor Joet Garcia ang state of calamity dahil sa oil spills dulot ng tatlong oil tankers na lumubog sa karagatan na kung saan umabot sa 28,000 mangingisda ang naapektuhan at nawalan ng hanapbuhay dahil sa sunod-sunod na oil spills mula sa MT Terra Nova sa Limay, MT Jason Bradley at MV Mirola 1 sa Mariveles, Bataan.

Magiliw naman na sinalubong si Lapid ng mga benepisyaryo at maluha-luhang nagpasalamat sa napapanahong biyaya sa kanila.

Malugod na tinanggap nina Limay Mayor Nelson David, Vice-Mayor Richie Jason David, Brgy. Chairman Nestor Nabaunag at Sangguniang Bayan members si Senador Lapid sa mabilis na aksyon at personal na paghahatid ng tulong sa mga mangingisdang nawalan ng hanapbuhay dahil sa oil spills sa kanilang bayan.

Nauna rito, namahagi rin ang Supremo ng Batang Quiapo ng 1,000 family food packs sa mga mangingisda sa Mariveles, Bataan noong August 21, sa mismong kaarawan ng Senador.

Mismong si Mariveles Mayor AJ Concepcion ang humingi ng tulong kay Senador Lapid para sa mga mangingisda sa kanyang bayan.

Patuloy ang SM Foundation sa paghahatid ng libreng serbisyong medikal sa mga vulnerable communities sa bansa.

Nito lamang, nakapaghatid ang foundation ng mahigit 800 na serbisyong medikal sa Taytay Kalayaan Park. Kabilang sa libreng serbisyo ay medical consultations, dental checkup, at blood tests.

Tampok rin ang kanilang bagong mobile clinic para sa libreng X-ray imaging, at ECGs. Namahagi rin sila ng libreng gamot at bitamina.

Kaagapay ng SM Foundation ang social good partners, kabilang ang SM City Taytay, Taytay LGU, DSWD, Region 4A-Willore Pharmaceutical, at MX3 Natural Supplements.