SPECIAL REPORTS

50 Pesos lang yung tinaya, naging P303.5 Million ang biyaya

CDC Assistant VP ng Business Enhancement, Mr. Rodem R. Perez, at Casino Plus CEO, Mr. Evan Spytma, ay ipinagdiwang ang nagwagi ng 303 Million Jackpot sa kanilang Color Game.

Manila, Agosto 25, 2024 – Isang masuwerteng manlalaro sa Color Game platform ng Casino Plus ang nanalo ng napakalaking premyong PHP 303.5 milyon mula sa taya na PHP 50 lamang. Ang kahanga-hangang tagumpay na ito ay hindi lamang nagpapakita ng swerte, kundi pati na rin ng transparency at pagiging patas ng operasyon ng platform.

Transparent at Makatarungang Karanasan sa Laro

Kilala ang Casino Plus sa mahigpit nitong mga pamantayan sa operasyon at dedikasyon sa pagprotekta sa karapatan ng mga gumagamit. Ang bawat taya at bawat panalo ay dumadaan sa bukas at transparent na proseso, na tinitiyak na ang lahat ng manlalaro ay makikilahok sa isang makatarungang kapaligiran sa laro. Ang pinakahuling jackpot na ito ay muling nagpapatibay sa Casino Plus bilang isang pinagkakatiwalaang platform para sa mga manlalaro nito.

Mapagkakatiwalaang Pisikal na Suporta

Bukod sa online platform nito, ang Casino Plus ay mayroon ding pisikal na casino at isang integrated resort na kasalukuyang ina-upgrade ayon sa pinakamataas na pamantayan. Ang mga patuloy na pagpapabuti na ito ay naglalayong magbigay sa mga customer ng mas komprehensibong serbisyo at de-kalidad na karanasan sa libangan. Ang mga tuloy-tuloy na pag-upgrade na ito ay hindi lamang nagpapataas ng kredibilidad ng platform kundi nagbibigay din ng karagdagang seguridad at katiyakan sa mga gumagamit nito. Ang kombinasyon ng online at mga na-upgrade na offline na mapagkukunan ay tinitiyak na ang mga manlalaro ay maaaring mag-enjoy sa saya ng online gaming habang nararanasan ang mas mahusay na aliwan at serbisyo sa aming pinahusay na pisikal na pasilidad.

Press Conference at iba pa

Nag-host ang Casino Plus ng isang press conference noong Agosto 30 upang detalyadong ilahad ang mga kaganapan sa likod ng jackpot na ito at isinagawa ang seremonya ng paggawad ng premyo sa lugar. Ang tinaguriang kaganapan ay dinaluhan ng mga kilalang kinatawan, media, at mga eksperto sa industriya, na nagpatampok sa pagiging makasaysayang okasyon nito.

CDC Assistant VP ng Business Enhancement, Mr. Rodem R. Perez, at Casino Plus CEO, Mr. Evan Spytma, ay ipinagdiwang ang nagwagi ng 303 Million Jackpot sa kanilang Color Game.

September 2, 2024 0 comment

SPECIAL REPORTS

EAGLES NANAWAGAN NG PAGKAKAISA, ATTENDEES KINILIG SA WEDDING PROPOSAL NI TURICA

written by DWIZ 882

Sa gitna ng mga hamon sa Fraternal Order of Eagles, nanawagan ng pagkakaisa ang bagong talagang gobernador ng National Capital Region (NCR) 84th Region na si Jenzen “Zentur” Turica.

Sa ginanap na Chartering and Induction ng regional officers ng Eagles NCR 84th Region, nanawagan si Turica sa lahat ng mga “Kuya” at “Ate” na maging mahinahon sa mga panahong ito bunga ng napaulat na hindi pagkakaunawaan sa kanilang hanay na nagresulta sa pagkakabuo ng panibagong paksyon sa organisasyon.

Matatandaang kinikilala ng Eagles si Nelson Sarapuddin bilang halal na national president ng kapatiran habang kinikilala naman ni Turica ang lahat ng grupo na naka-angkla sa kanila lalo pa’t iisa lang naman aniya ang hangarin ng mga ito tulad ng pagtulong sa taumbayan at sa mga nangangailangan.

Naniniwala si Turica na magkakaroon ng magandang resulta ang kanilang pagsisikap na mapagkasundo ang bawat paksyon at mapag-isa muli ang organisasyon bilang iisang samahan.

Samantala, kinilig naman ang mga dumalo sa aktibidad sa Okada Manila nang mag-alok ng kasal si Turica kay chartered vice president O.E.Q.L.E.C. Shyne Dulay.

Kabilang naman sa mga dumalo sa event sina Sarapuddin, Eagles Executive National Vice President Ronald Delos Santos, Sen. Cynthia Villar, ret. Col. Bong Nebrija, Usec. Epimaco Densing III, Cong. Jose Bong Teves Jr., dating Usec. Astra Pimentel, dating Cong. Butch Dumpit, dating Gov. ER Ejercito, Philip Salvador, Mayor Raymond Tongson, at iba pang mga opisyal ng gobyerno.

May 30, 2023 0 comment

HEADLINES HOT STORIES OF THE WEEK NATIONAL NEWS SPECIAL REPORTS

Ipapataw na buwis sa credit card transactions, itataas sa susunod na buwan

written by DWIZ 882

Sa kabila ng pagtaas ng presyo ng bilihin sa bansa, isa na namang pasanin ang kakaharapin ng mga Pilipino.

Ito ay matapos itaas ng Bangko Sentral ng Pilipinas (BSP) ang interest rate cap sa mga transaksyon sa credit card simula sa Pebrero.

Ayon kay BSP Governor Felipe Medalla, naglabas ng resolution no. 55 noong Enero 13 ang Monetary Board ng Central Bank, na nagpapataas ng maximum interest rate o finance charge na 3% na ipinataw sa hindi pa nababayarang outstanding credit card balance ng isang cardholder ng 100 basis points.

Mula ito sa 2% kada buwan o 36% kada taon.

Ang umiiral na buwanang add-on rate na maaaring singilin ng mga credit card issuer sa installment loan, ay pinanatili sa pinakamataas na rate na 1%.

Mananatili naman sa P200 kada transaksyon ang maximum processing fee sa pag-avail ng credit card cash advances.

January 23, 2023 0 comment

HEADLINES NATIONAL NEWS SPECIAL REPORTS

Remittances ng OFW, tumaas ng 5.7%

written by Drew Nacino

Lumago ng 5.7% ang cash remittances mula sa Overseas Filipinos o katumbas ng 2.64 billion dollars noong Nobyembre 2022.

Kumpara ito sa 2.5 billion dollars sa kaparehong panahon noong 2021.

Ayon sa Bangko Sentral ng Pilipinas, mayorya ng padala ay mula sa land at sea-based workers.

Mula Enero hanggang Nobyembre noong isang taon, naitala ng BSP ang 29.3 billion dollar cash remittance, kumpara sa 28.4 billion dollars sa kaparehong panahon noong 2021.

Karamihan sa mga nagpadalang OFW ay mula sa US, Singapore, Saudi Arabia at Qatar.

Itinurong isa sa dahilan ng pagtaas ng remittances ay ang Christmas Holidays at mataas na palitan ng piso kontra dolyar.

January 18, 2023 0 comment

HEADLINES NATIONAL NEWS SPECIAL REPORTS

Piso bahagya pang lumakas kontra dolyar

written by Drew Nacino

Patuloy ang paglakas ng piso kontra dolyar.

Sa datos ng Bangko Sentral ng Pilipinas (BSP) nagsara ang palitan kahapon sa P54.87 kada U.S. dollar.

Kumpara ito sa P55.11 na exchange rate noong Lunes.

Ito na sa ngayon ang pinaka-malakas na performance ng piso simula noong Hunyo 30 ng isang taon kung saan umabot sa P54.97 centavos ang palitan.

Kabilang sa itinuro ng BSP na dahilan ng paglakas ng piso ay pagtaas ng remittances mula sa mga Overseas Filipino noong holiday season.

January 11, 2023 0 comment

HEADLINES NATIONAL NEWS SPECIAL REPORTS

Mayorya ng mga Pilipino, interesadong magtayo ng negosyo —OCTA Survey

written by DWIZ 882

Lumabas sa OCTA Research Survey na mayorya ng mga Pilipino ang handang magtayo ng negosyo sa bansa.

Sa survey na isinagawa nitong October 2022 na nilahukan ng 1,200 respondents, lumabas na 81% ng mga Pinoy ang handang makipagsapalaran sa pagnenegosyo.

Ikinatuwa naman ni Go Negosyo Founder Joey Concepcion ang ulat lalo’t mayorya ng negosyo sa bansa ay kabilang sa Micro, Small and Medium Enterprises.

Sa larangan naman ng socioeconomic classes, ang mga kabilang sa klase ng ABC at D ay may interes sa negosyo na humigit-kumulang 80%, habang ang nasa E ay may interes na 74%.

January 10, 2023 0 comment

HEADLINES SPECIAL REPORTS

$40-B assistance at loans, target ng Pilipinas sa susunod na taon

written by DWIZ 882

Target ng Pilipinas na makakuha ng $40-B na halaga ng assistance at loan mula sa development partners at bilateral lenders sa susunod na taon.

Ayon sa Office of the Press Secretary (OPS), plano ng administrasyon na kumuha ng $9.2-B halaga ng loans mula sa multilateral development partners.

Umabot anya sa P3.2-T ang koleksyon ng Bureau of Internal Revenue batay sa year-end report ng Department of Finance (DOF).

Sa kabila nito, layon na maipasa ang panukalang excise tax sa single use plastics, value-added tax sa digital service providers, at ease of paying taxes. –sa panulat ni Jenn Patrolla

December 26, 2022 0 comment

HEADLINES NATIONAL NEWS SPECIAL REPORTS

Debt-to-GDP ratio ng Pilipinas, pumalo sa 63.7%

written by DWIZ 882

Ipinakita sa pinakabagong datos ng Bureau of Treasury na pumalo sa 63.7% ang Debt-to-Gross Domestic Product ratio ng bansa sa ikatlong bahagi ng 2022.

Ito ang pinakamataaas na bilang na naitala sa loob ng 17 taon, na sumunod sa 65.75 Debt-to-GDP ratio noong 2005 sa ilalim ng Arroyo Administration.

Sinabi naman ni ING Bank senior economist Nicholas Mapa na dapat ituon ng gobyerno ang kanilang pansin sa revenue generation na makatutulong sa pagpapalaki ng resources.

Samantala, ayon naman kay Rizal Commercial Banking Corp. chief economist Michael Ricafort, hindi ito magandang panahon para sa mas mataas na pagpapataw ng buwis dahil maaaring makadagdag ito sa inflationary pressures.

Mababatid na naghain ng panukala ang Makabayan Bloc kamakailan ng apat na panukalang batas na kumukontra sa Value Added Tax bilang pag-agapay sa publiko sa epekto ng 7.7% inflation rate. —sa panulat ni Hannah Oledan

November 12, 2022 0 comment

HEADLINES NATIONAL NEWS SPECIAL REPORTS

Mahigit 10K pamilya nasa evacuation centers pa rin matapos ang pananalasa ng bagyong Paeng

written by Hya Ludivico

Nananatili pa rin sa evacuation centers ang nasa 10,026 na pamilya o katumbas ng mahigit 42,856 katao matapos ang pananalasa ng bagyong Paeng.

Batay ito sa datos ng disaster response operations monitoring and information center ng DSWD hanggang kaninang ala-6 ng umaga.

Aabot sa 45,049 ang napinsalang kabahayan ng bagyo kabilang ang nasa 5,097 lubhang nagtamo ng sira.

Umabot naman sa 259,953,704.20 na halaga ng food at non-food items ang naipamahagi ng DSWD, LGUs, NGOs at iba pang partners nito sa mga biktima ng kalamidad.

November 8, 2022 0 comment

HEADLINES HOT STORIES OF THE WEEK NATIONAL NEWS SPECIAL REPORTS

Inflation rate para sa buwan ng Oktubre, posible tumaas sa 7.1% hanggang 7.9% na —BSP

written by Angelica Doctolero

Posibleng tumaas sa 7.1% hanggang 7.9% ang inflation rate ng bansa para sa buwan ng Oktubre.

Ayon sa Bangko Sentral ng Pilipinas (BSP), mas mataas ito kung ikukumpara sa dating 6.9% na naitala noong September kung saan, malaki ang posibilidad na malagpasan nito ang 2% hanggang 4% na target sa loob ng pitong magkakasunod na buwan.

Iginiit ng BSP na kung patuloy na tataas ang presyo ng mga pangunahing bilihin; dagdag-singil sa presyo ng langis at pamasahe; at pag-lagapak ng palitan ng piso kontra dolyar, maaaring malampasan ng inflation ngayong buwan ang mga naging rekord sa loob ng 13 taon.

Sa kabila nito, inaasahang bababa ang inflation sa mga susunod na buwan, dahil sa pagbaba ng singil sa electricity rates ng Meralco, nakikitang pagbaba ng presyo ng petrolyo, at mas mababang presyo ng isda sa mga pamilihan.

November 2, 2022 0 comment

Newer Posts

Older Posts