HEALTH

 Ang fatty liver ay isang sakit kung saan napupuno ng taba ang atay ng tao.

Nakukuha ang nasabing sakit sa labis na pagkain at pag-inom ng alak.

Ayon sa mga eksperto, kakaunti lamang ang sintomas ng fatty liver disease kabilang na rito ang mabilis na pagkapagod at pananakit sa kanang bahagi ng itaas ng tiyan.

Bagama’t wala pang partikular na gamot o therapy sa pagkakaroon ng fatty liver, maaari itong mabawasan sa pamamagitan ng pag-iwas sa pag-inom ng alak, pagbawas ng timbang, at pag-aayos sa diyeta. –  Sa panulat ni John Riz Calata

Ang tubercolosis ay isang uri ng sakit na dulot ng mikrobyong mycobacterium tuberculosis na madalas makaapekto ng baga.

May ilang uri ng pagkain ang dapat iwasan ng mga may TB upang mapabilis ang kanilang paggaling.

Kabilang dito ang matatamis; maaalat; stimulants o pagkaing nagpapabilis ng pagtibok ng puso; karne; alak at paninigarilyo.

Gayunman,  huwag mag-alala dahil hindi naman lahat ng pagkaing masasarap ay dapat iwasan, mayroon ding mga pagkain na makatutulong sa iyong kalagayan tulad ng dark leafy greens tulad ng kangkong, malunggay, at spinach; whole grains o brown at red rice; makukulay na gulay at unsaturated fats o vegetable oil; coconut oil at olive oil.

Bukod dito, nararapat pa ring magpakonsulta sa doktor upang malaman kung may kakulangan sa nutrients ang iyong katawan. –  Sa panulat ni Kat Gonzales

Ngayong kaliwa’t kanan ang deklarasyon ng dengue outbreak ng mga LGU sa bansa, narito ang 5s strategy para makaiwas sa sakit.

Una, search & destroy – hanapin at sirain ang mga posibleng pamugaran ng lamok tulad ng mga bote, sirang gulong at iba pa na maaaring maipunan ng tubig.

Pangalawa, mag-self-protect – magsuot ng damit na may mahahabang manggas, mahahabang pantalon at maglagay ng mosquito repellant

Ikatlo, seek consultation – magpakonsulta sa doktor kung biglaang nagkaroon ng mataas na lagnat na tumagal ng mahigit dalawang araw, nakaramdam ng pananakit ng katawan, panghihina, pamamantal sa balat, sakit ng tiyan, pagdurugo ng ilong pagkatapos ng lagnat, pagsusuka, maitim na dumi, hirap sa paghinga, at sakit sa likod ng mata.

Ikaapat, support fogging in outbreak areas – suportahan ang fogging activities sa mga komunidad lalo na kung nagbabadya ang dengue outbreak.

At panghuli, sustain hydration – huwag kalimutang uminom ng sapat na tubig kapag may dengue, para maiwasan ang dehydration na dulot ng lagnat o pagsusuka. –  Sa panulat ni Laica Cuevas

 Isa sa mga underrated na masustansyang pagkain na nababanggit sa bahay kubo ay ang “bataw” o hyacinth beans.

Ang bataw ay nakatutulong sa pagbabawas ng timbang dahil sa taglay nitong complex carbohydrates.

Mayaman din ito sa zinc na nakatutulong upang makaiwas sa pagkakaroon ng cancer.

Gayundin, pinalalakas din ng bataw ang immune system ng katawan dahil din sa zinc na taglay nito.

Bukod sa mga nabanggit, pinalulusog din nito ang digestion at binabawasan ang cholesterol, at pinabubuti ang  cardiovascular health.

Isa sa mga pinakakilalang legume ay ang mani na madalas kainin tuwing nagpapalipas ng oras o miryenda.

Nakatutulong ang mani sa upang mapababa ang tyansa ng pagkakaroon ng diabetes.

Ayon sa isang pag-aaral, ang mga babaeng mahilig kumain ng mani ay mas bumababa ang panganib na magkaroon ng type 2 diabetes dahil sa mababang glycemic index nito.

Nakapagpapabuti rin ng memorya ang mani dahil sa taglay nitong niacin o vitamin B3 na nakatutulong para sa mas maayos na pag-function ng utak.

Nakatutulong din ang mani upang maiwasan ang depression dahil may taglay itong tryptophan na isang amino acid na gumagawa ng serotonin na isa sa mga happy hormones.

Mabisa rin ang pagkain ng mani sa pagbabawas ng timbang, pagpapabuti ng skin health, at pagpapalakas ng immune system.

Alam n’yo ba na ang gatas ang pinakamabilis na home remedy sa sunburn?

Ayon sa pag-aaral, mainam na pampagaling sa sunburn ang cold milk compress.

Gumagawa kasi ng layer ng protein sa balat ang gatas para sa proteksyon at mabilis na paggaling.

Samantala, mainam din na uminom ng maraming tubig dahil kapag nasunog ang ating balat ay malamang na-dehydrate din ang ating katawan.

Sa pag-inom din ng maraming tubig ay sinasabing mas mapabibilis ang paghilom ng sunog na balat.

Pinakaunang masustanyang pagkain na nababanggit sa sikat na kantang “bahay kubo” ay ang singkamas o mexican turnip.

Kaya naman ating alamin ang mga benepisyo nito sa katawan:

Mayaman ang singkamas sa fiber na mabisang pangontra sa constipation at pagpapababa ng sugar levels.

Taglay din ng nasabing root vegetable ang vitamin C na nakatutulong upang labanan ang oxidative stress sa katawan na maaaring magdulot ng iba’t ibang sakit tulad ng cancer, cardiovascular disease, at diabetes.

Mayroon ding prebiotics ang singkamas na pinagmumulan ng insulin na nakatutulong sa paglaki ng good bacteria na pumoprotekta sa katawan mula sa mapaminsalang bacteria.

Kadalasang inihahain ang singkamas nang hilaw at sinasawsaw sa suka, asin, o bagoong.  - Sa panulat ni John Riz Calata

Alam n’yo ba na ang mga gulay na kulay pula partikular na ang kamatis ay pangunahing nagtataglay ng carotenoids.

Sinasabing ito ang nagpapatalas at nagpapabuti sa ating memorya.

Mayroon din ang kamatis na carbohydrate, fiber, vitamin A, B, C, E, at mga mineral gaya ng sodium, potassium, calcium, magnesium, at iba pa.

Mayroon ding lycopene na kalimitang makikita sa kutis ng kamatis na nakatutulong kontra depresyon.

Bukod dito, ang iba’t ibang bahagi ng kamatis ay maaaring makuhanan ng sustansya na maaaring may benepisyo sa ating kalusugan. – Sa panulat ni Kat Gonzales

Mahilig ka bang kumain ng avocado?

Alam mo ba na ang abokado ay isa pinaka-masustansiya sa lahat ng pagkain na maaari nating kainin para sa ating utak at puso.

Ayon sa mga eksperto, mayaman sa vitamin B at healthy fats ang abokado.

Nagpapaganda ito ng daloy ng dugo sa utak at pinapakinis din ito ng ating kutis.

Alam mo ba na maraming dahilan kung bakit sumasakit ang likod ng isang tao?

Posibleng dahil ito sa maling posisyon sa pagtulog; maling posisyon sa pagbubuhat o hindi kaya ay dahil sa kanyang mabigat na timbang.

Bukod pa rito, lingid sa kaalaman ng nakararami na maaari rin maging sanhi ng pananakit ng likod ang stress.

Ayon sa ilang pag-aaral, kapag stressed at malungkot daw kasi ang isang tao, nababawasan ang produksyon ng ilang hormones at kemikal sa utak na nakatutulong upang mabawasan ang anumang sakit na nararamdaman sa katawan.

Kaya naman kapag lumiit ang produksyon ng mga kemikal na ito, lalong makararamdam ang pananakit ng likod.

Gayunman, payo ng mga eksperto mas makabubuti kung magpatingin pa rin sa mga doktor para malaman kung ano ang naaangkop na gawin sa iyong sumasakit na likod. –  Sa panulat ni Kat Gonzales