HEALTH

ALAM n’yo ba na ang paboritong seaweed ng mga Ilokano ay maaaring makatulong daw sa paglaban sa cancer?

Ayon sa Department of Science and Technology (DOST), napatunayang maganda sa kalusugan ang pagkain ng “pukpuklo” sa isinagawang pag-aaral ng mga mananaliksik sa University of Santo Tomas.

Lumalabas daw sa pag-aaral na nilalabanan ng “pukpuklo” ang enzymes na nagpapakalat ng cancer sa katawan.

Maliban dito, mayaman din daw ito sa carbohydrates o starch at cellulose na nakakatulong sa katawan para lumakas at masuportahan ang cells at tissues.

 Nakakatulong din ito sa sakit sa balat, goiter, at isa ring mabisang anti-aging.

 Ang “pukpuklo” ay kadalasang ginagawang salad kasama ang kamatis.

 Sinasabing patok din itong pulutan ng mga taga-Ilocos, Aklan, Iloilo at Cagayan.

Naranasan niyo na bang sinukin at masabihang ikaw kasi ay nagsisinungaling o di kaya’y kulang sa tubig na inumin?

Kung narinig mo na ang ganyang dahilan ng iilan, may pagtatama diyan ang mga eksperto.

Ayon kay Doctor Willie Ong madalas sinisinok ang tao  dahil  sa hindi natutunawan o posibleng dahil sa napabilis ang pagkain at pag-lunok o di kaya’y dahil sa pagkabusog sa pagkain, tubig at hangin.

Maaari rin aniyang dahil ito sa stress kung saan hinga nang hinga ang isang tao  dahilan para makalunok ito ng maraming hangin.

 paliwanag ni Ong hindi rin totoo na dapat gulatin ang isang sinisinok para mawala ang pagsinok pati na rin ang paglalagay ng sinulid sa noo ng sanggol o di kaya’y pagpapahid ng laway

Ang dapat aniyang gawin para maiwasan ang pagkasinok ay ang mga sumusunod

1. Uminom ng mainit na tubig para marelax ang muscle sa tyan
2. Magdahan-dahan sa pagkain at kumain ng madadaling matunaw

Ayon kay Ong wala namang dapat ipag-alala sakaling sinukin  dahil mawawala rin ang sinok makalipas ang labing lima hanggang tatlumpung minuto.

Alam niyo ba na may magandang dulot sa ating katawan ang pagkain ng mani?

Ayon kay Dr. Liza Ramoso-Ong, may benepisyo ang pagkain ng mani lalo na sa utak, puso, at katawan.

Maganda ito sa mga gustong magdagdag ng timbang dahil ang 100 gramo ng mani ay katumbas ng 560 calories.

Nakakatulong din ito sa pag-aaral at pagsasaulo pati na rin sa pagpapanatili ng malusog na puso dahil sa taglay nitong Vitamin B na nagpapaganda sa sirkulasyon ng dugo sa utak at puso.

Maaari rin itong kainin ng may mga diabetes dahil pasok ito sa Diabetese Glycemic Index.  —sa panulat ni Hannah Oledan

Pinayuhan ng isang sikat na doktor ang masa na limitahan ang pagkain ng karne katulad ng baboy at baka lalo na sa may mga sakit sa atay.

Sa kaniyang Facebook post, tinalakay ni Doctor Willie Ong, isang Filipino cardiologist, Internist at Media personality, ang ilan sa mga paraan upang maalagaan ang atay.

Aniya, maaaring limitahan ang pagkain ng maalat na pagkain tulad ng instant noodles, asin, toyo, patis, sitsirya at mga de lata na maaaring maging sanhi ng pagtaas ng presyon.

Dagdag pa nito, ang sobrang pagkain ng maprotinang pagkain ay maaari ring maging sanhi ng pagkasira ng kidney

Batay sa kanyang post, hindi pinapayo ng mga doktor ang Atkin’s Diet na nagrerequire ng mataas na protina sa diyeta na maaaring maging sanhi sa permanenteng pagkasira ng atay.  —sa panulat ni Hannah Oledan

Dahil tag-ulan na naman, dapat ay mag-ingat tayo sa sakit na Leptospirosis.

Ito ay isang bacterial infection na nakukuha mula sa ihi ng mga hayop na apektado ng leptospirosis.

Ang ihi na may dalang leptospirosis ay maaaring mabuhay at tumagal sa lupa at tubig ng ilang linggo hanggang ilang buwan.

Maraming hayop ang may dala ng bacteria na leptospira tulad ng baka, baboy, kabayo, aso, daga at iba pang wild animals.

mga sintomas ng leptospirosis:

1. mataas na lagnat
2. sakit ng ulo
3. nilalamig at nanginginig
4. pananakit ng muscles
5. pagsusuka
6. jaundice o paninilaw ng balat at mata
7. mapulang mata
8. pananakit ng tiyan
9. diarrhea
10. rashes

Para maiwasan ang leptospirosis, iwasang maligo at magtampisaw sa tubig baha, gumamit ng proteksyon tulad ng bota at gloves kapag hahawak o lulusong sa tubig baha, tanggalin ang mga posibleng tubig na kontaminado ng ihi na may leptospira at siguruhing walang daga sa inyong bahay at kapaligiran.

Kung nakakaranas ng mga sintomas na nabanggit sa loob ng dalawang araw at ikaw ay lumusong sa tubig-baha, kumonsulta agad sa doktor.

Para sa mga may malaking tiyan, alam niyo ba na may masama itong dulot sa ating kalusugan?

Ang taba sa tiyan ay kadalasang makikita sa mga laman loob.

Ito ang tinatawag na visceral fat na nagdudulot ng mga seryosong panganib sa ating kalusugan.

Maaari itong magdulot ng; sakit sa puso, type 2 diabetes, high blood pressure, mataas na cholesterol at hirap sa paghinga.

Para matulungang lumiit ang tiyan at maging healthy, kumain ng masusustansiyang pagkain tulad ng prutas, gulay at whole grains.

Bawasan ang pag-inom ng mga matatamis na inumin.

Bawasan ang pagkain ng matataba, maaalat at mamantikang pagkain

At magkaroon ng regular na ehersisyo upang makatulong sa pagtunaw ng taba sa tiyan.

Para sa mga mahilig magtiris ng tigyawat, alam niyo ba na maaari itong magdulot ng impeksyon sa utak?

Ayon kay Doktor Tantengco, isang masamang paguugali ang pagtiris ng mga pimples lalo na kung mayroon na itong mga nana.

Dapat itong iwasan lalo na kung marumi ang iyong mga kamay kapag hinawakan.

Hindi lang mag-iiwan ng peklat ang mga pinipisang mga pimples, maaari rin itong pagmulan ng impeksyon na maaaring kumalat sa iyong dugo papunta sa utak.

Kapag hindi ito naagapan, maaaring makaranas ng pamamanhid ng katawan, pagkawala ng paningin at pagkamatay.

Kadalasang makararanas ng sobrang sakit ng ulo, mataas na lagnat, pamamanhid ng mukha at labis na pagkapagod ang pagtiris sa tigyawat.

Kapag nakaranas na ng mga ito matapos putukin ang pimples lalo na sa bandang ilong at itaas na labi, kumonsulta agad sa doktor.