HEALTH

Karamihan sa mga Pilipino ngayon ay nagtatrabaho sa gabi o yung mga tinatawag na graveyard shift.

Pero ayon sa mga doktor, nagdudulot ng masamang epekto sa kalusugan ang graveyard shift.

• una; naaapektuhan nito ang tagal at kalidad ng tulog.

• pangalawa; nagpapataas ito ng risk na magkaroon ng diabetes.

• pangatlo; nagpapataas nito ng risk na magkaroon ng obesity o labis na katabaan.

• pang-apat; tumataas ng 30% ang risk na magkaroon ng breast cancer.

• panlima; nagdudulot din ito ng pagbabago sa iyong metabolism.

• at pang-anim; mas mataas ang risk nila na magkaroon ng depression.

Pero kung hindi maiiwasan, huwag pababayaan ang sarili, kumain ng masustansya, iwasan ang matataba, maaalat at matatamis na pagkain.

Iwasan din ang mga bisyo tulad ng sigarilyo at alak, magkaroon ng regular na ehersisyo at sikaping mabawi ang tulog sa umaga.

Nagbigay ng tips o paalala sa publiko ang Metropolitan Manila Development Authority (MMDA) para maiwasan ang heat stroke ngayong tag-init.

Ayon sa mga eksperto, kapag ang heat index ay umabot sa 27° celsius hanggang 32°c ay maaaring makaranas ng fatigue at heat cramp ang isang tao habang ang heat index naman na nasa 32°c hanggang 41°c ay maari namang maging sanhi ng heat stroke.

Ayon sa MMDA, mainam na magsuot ng mga light colored o yung hindi matingkad na kulay ng damit kung lalabas ng bahay dahil mas mataas ang tiyansa nitong makaabsorb ng init mula sa araw.

Palagi ding gumamit ng payong bilang panangga sa matinding sikat ng araw; uminom ng maraming tubig; at iwasang magbilad sa init ng araw upang maiwasan ang heat stroke.

Sakali namang makaramdam ng pagkahilo, pagsusuka, mabilis na pagtibok ng puso, at hirap sa paghinga, mainam na humingi agad ng tulong sa kinauukulan para agad na mabigyan ng atensyong medikal. —sa panulat ni Angelica Doctolero

Para sa mga nagkakalaman ngayong covid-19 pandemic.

Alam niyo ba na mayroong mga pagkaing makatutulong sa pagpapapayat? Ito ang mga sumusunod;

1. Gulay at ensalada (salad).

Ayon sa isang pagsusuri, ang mga taong kumain ng ensalada ay may mas mataas na lebel ng anti-oxidants sa kanilang katawan. Mataas sa fiber ang gulay, kaya ito nakabubusog sa kaunting calories lamang.

2. Suha at grapefruit.

Ang pagkain ng grapefruit tatlong beses sa maghapon ay nakapapayat ng 4 pounds sa loob ng tatlong buwan.

3. Mansanas.

Mabilis makabusog ang mansanas dahil ito ay may pectin, isang klase ng fiber na nakabababa ng cholesterol at asukal sa dugo.

4. Peras o pears.

Ang mga taong kumakain ng tatlong peras o mansanas bawat araw ay mas mababa ang timbang kumpara sa hindi kumakain nito.

5. Itlog.

Ang mga taong kumakain ng itlog sa almusal ay mas nabubusog.

6. Saging.

Maraming benepisyo ang saging. May sangkap ito na makatutulong sa pagpapapayat. Ugaliing kamain ng isa hanggang dalawang saging bawat araw. —sa panulat ni Abby Malanday