HEALTH

Popular na dried fruits ang pasas

Bagama’t ito ay may hindi magandang itsura. Ito naman ang isa sa mga pinaka masustanyang pagkain

Ito ay mainam na alternatibong pagkain sa mga kinahihiligan nating candies at tsokolete dahil sa tamis na lasa nito.
Maliban dito, siksik din sa benepisyong pangkalusugan ang pasas.

Ayon sa pag-aaral, nakatutulong ang pasas na pangontra sa hypertension.

Taglay kasi ng pasas ang iron, potassium, antioxidants at b- complex na tumutulong upang mamaintain ang normal nating blood pressure.

Ang mataas na lebel ng potassium ay nagpapababa ng tension sa ating blood vessel at nababawasan ang pressure sa ating dugo.

Ang pasas ay may mataas na potassium at walang sodium kayat mabisa itong pagkain para sa puso.

Kayo ba ay may alagang pusa?

Alam nyo ba na ang pag-aalaga ng pusa ay nakabubuti sa kalusugan ng isang tao.

Ito ay sa kabila ng pangamba ng ilan na ang pag-aalaga ng pusa ay posibleng magdulot ng pagkakaroon ng toxoplasmosis o impeksyon dulot ng parasitikong matatagpuan sa dumi ng pusa na nagiging sanhi naman ng pagkabaliw ng isang tao.

Pero paglilinaw ng mga eksperto mula sa psychological medicine, walang kinalaman s apag-aalaga ng pusa ang pagkakaroon ng sakit na psychosis.

Sa halip, ibat ibang benepisyo pa anila ang ibinibigay ng pagkakaroon ng puso sa ating araw-araw na buhay.

Sustansiyang taglay ng isda, ating alamin

Ang isda ay isa sa pangunahing pagkain at masarap na katambal ng gulay.

Ang isa ay sagana sa sustansiya na may benepisyo sa kalusugan.

Taglay nito ang maraming protina, vitamin d, at minerals.

Ang isda rin ay may omega-3 fatty acids na mahalaga sa katawan at utak, lalo na ang sardinas, mackerel, tilapia at salmon.

Alam mo ba na ang pagiging sobrang lamigin ay prone din sa iba’t ibang sakit tulad ng anemia, hypothyroidism at anorexia?

Ang hypothyroidism ay  isang kondisyon kung saan hindi nakakagawa ng sapat na thyroid hormones ang thyroid gland.

Ang mga taong kulang sa thyroid hormone ay maaaring madaling mapagod, mabilis lamigin, at manghina.

Ang anemia naman ay isang kondisyon kung saan kulang ang red blood cells sa katawan dahil sa kakulangan sa nutrisyon at labis na kakulangan sa pagtulog.

Ang mga taong may kaunting taba sa katawan o sobrang kapayatan o tinatawag ding anorexic ay maaaring nahihirapang mapanatili ang temperatura ng kanilang katawan at sa ilang mga kaso, ay maaaring magresulta sa hypothermia.

Upang mapanatili ang normal na temperatura sa katawan, ugaliing kumain ng tama at masusustansyang pagkain tulad ng gulay at prutas at mga pagkaing sagana sa iron tulad ng atay at laman ng baka, baboy at manok.

Iwasan din ang sobrang pagpupuyat at pagkakaroon ng sugat na maaaring sanhi ng pagkawala ng maraming dugo sa katawan. —mula sa panulat ni Hannah Oledan

Madalas bang nananakit ang inyong batok?

Pangkaraniwan ito lalo na sa mga nagtatrabaho sa opisina dahil sa madalas na nakaupo sa harap ng computer at madalas ay hindi maganda ang pag-upo o postura.

Isa rin ang pagkakaroon ng naipit na ugat sa mga dahilan kung bakit nananakit ang batok o heniated disk o bone spur kung tawagin.

Kadalasang sanhi ng pananakit ng batok ay ang pagkakaroon ng high blood. Madalas ito ay sinasamahan ng pananakit ng ulo, pagkahilo, at pagiging lightheaded.

Mainam na magpunta sa doktor upang mabigyan ng tamang diagnosis. Sa mga high blood naman ay ugaliing mag ehersisyo at iwasan ang pagkain ng matataba at masesebong pagkain.

Para sa agarang lunas sa pananakit ng batok, ugaliing ayusin ang pag-upo at paghiga upang hindi magkaroon ng poor posture na karaniwang sanhi ng pananakit ng batok.

Maaari ring gumamit ng cold compress at ipatong sa parte na sumasakit upang maibsan ito.  —sa panulat ni Hannah Oledan

Hindi maitatanggi na ang mga gulay ay natural na mababa ang taglay na fat at calories.

Karamihan din sa kanila ay sagana sa nutrients, potassium, dietary fiber, folate o folic acid, vitamin a, at vitamin c.

Ayon sa mga eksperto, ang bell pepper naman ay mayaman sa calories, vitamin c, vitamin b-6 at beta-carotene na isang uri ng anti-oxidant na mainam na panlaban sa iba’t ibang uri ng sakit.

Masarap ang bell pepper na pansahog sa spaghetti, scrambled egg, sandwiche at salad.

Ang guyabano o soursop sa ingles ay isang uri ng prutas na taglay ang iba’t ibang sustansya na maaaring may benepisyo sa kalusugan.

Pangunahing substance na sangkap ng guyabano ang cardiac glycosides, flavonoids, steroids at tannins.
Ang mga compound na ito ay kilala bilang panlaban sa mga chronic disease tulad ng cancer at cardiovascular at gastrointestinal disorders.

Bukod dito, ang guyababo rin ay mayroon carbohydrates, retinol, ascorbic acid, vitamin c, b1, b2, potassium at dietary fiber.
Ang prutas na ito ay makatutulong bilang pampalakas ng immune system, agpapababa ng high blood pressure, nakakabuti sa muscle at joint pains, at pampatibay ng mga buto at ngipin.

Ayon sa mga eksperto, ang pagkakaroon ng eye bags ay isang common na problema kapag nagkaka-edad na.

Ito ay dahil humihina na ang muscles at tissue na nakapalibot sa mata.

Payo ng mga eksperto upang mawala ang eye bags, gumamit ng green tea bag bilang “age-old method”

Taglay nito ang antioxidant na nakakapag-rejuvinate ng balat at nagbabawas ng pamamaga at pamumula.

Palamigin lamang ang tea bags sa refrigirator, at pagtapos ay ibabad ng 1- to 15 minutes sa eye lids.

Mainam din ang cucumber o pipino para sa eye bags at dahil may cooling effect ito na nakababawas sa pamamaga.

Samantala, pwede rin gumamit ng eye cream ngunit alamin muna ang mga sangkap na mayroon ito upang maiwasan ang hindi magandang epekto.

Alam niyo ba na maaaring madoble o matriple ang chance of survival ng isang tao kapag ito ay na-CPR matapos ma-cardiac arrest?

Ang C.P.R. o cardiopulmonary resuscitation ay isang lifesaving technique kung saan pinananatili nito ang proper flow ng blood at oxygen sa katawan matapos tumigil sa pagtibok ang puso at paghinga ang isang tao.

Ang pagsi-C.P.R. sa isang tao ay nakadepende sa edad nito.

Para sa infants o sanggol, thumb o daliri ang gamit habang isang kamay naman para sa mga bata at dalawang kamay naman sa mga adults.

Mayroon din dalawang uri ng CPR, ang hands-only CPR at traditional CPR with breaths.

Sa hands-only CPR, inilalagay ang kamay sa dibdib ng pasyente at itinutulak ito ng mabilis para hindi maantala ang pag-flow ng dugo sa katawan. Ito ay tinatawag na chest compression.

Habang ang traditional CPR with breaths ay may alternate chest compression at mouth-to-mouth breaths. Sa pamamaraang ito, binibigyan ang katawan ng mas maraming oxygen habang nasa critical condition bago dumating ang tulong.

Samantala, ang mga taong walang CPR training ay inaabisuhang gumamit ng hands-only CPR. —mula sa panulat ni Hannah Oledan