HEALTH

Alam niyo ba na maraming benepisyong taglay ang atis sa katawan?
Ang atis o annonna squamosa na kilala rin bilang sugar apple ay isang prutas na may matamis at masarap na lasa.
Maiiwasan ng atis ang mga pamamaga, pagiging diabetic at panganib na magkaroon ng ulcer.
Nagtataglay din ang atis ng mga vitamin a, potassium, at iron na nakakatulong mapalakas ang ating katawan.
Mayaman din ang atis sa vitamin c na nakakatibay sa ating immune system.
Ayon sa mga eksperto, maraming sustansya mang taglay ang atis ngunit hindi ito alternatibong gamot sa anumang uri ng sakit.

Alam niyo bang may dalang taglay na benepisyo ang prutas na prunes?

Ito ay mula sa pagpapatuyo ng mga bunga ng italian hungarian kung makakukuha ng nutrients sa katawan.

Ang taglay na benepisyo nito ay ang:

• Aloe plum na may pinakamataas na antioxidant at tonic properties.
• Maari ring gamitin bilang pang-diet o pagbabawas ng timbang.
• Kinilala ito bilang tradisyunal na gamot upang linisin ang atay.
• Nakatutulong din itong mapabilis na mapabuti ang pangkalahatang kalusugan

Bukod pa rito, kabilang naman ang thiamine, pyridoxine, folic acid, riboflavin, pantothenic acid at iba pang bitamina b. - sa panunulat ni Jenn Patrolla

Popular na dried fruits ang pasas

Bagama’t ito ay may hindi magandang itsura. Ito naman ang isa sa mga pinaka masustanyang pagkain

Ito ay mainam na alternatibong pagkain sa mga kinahihiligan nating candies at tsokolete dahil sa tamis na lasa nito.
Maliban dito, siksik din sa benepisyong pangkalusugan ang pasas.

Ayon sa pag-aaral, nakatutulong ang pasas na pangontra sa hypertension.

Taglay kasi ng pasas ang iron, potassium, antioxidants at b- complex na tumutulong upang mamaintain ang normal nating blood pressure.

Ang mataas na lebel ng potassium ay nagpapababa ng tension sa ating blood vessel at nababawasan ang pressure sa ating dugo.

Ang pasas ay may mataas na potassium at walang sodium kayat mabisa itong pagkain para sa puso.

Kayo ba ay may alagang pusa?

Alam nyo ba na ang pag-aalaga ng pusa ay nakabubuti sa kalusugan ng isang tao.

Ito ay sa kabila ng pangamba ng ilan na ang pag-aalaga ng pusa ay posibleng magdulot ng pagkakaroon ng toxoplasmosis o impeksyon dulot ng parasitikong matatagpuan sa dumi ng pusa na nagiging sanhi naman ng pagkabaliw ng isang tao.

Pero paglilinaw ng mga eksperto mula sa psychological medicine, walang kinalaman s apag-aalaga ng pusa ang pagkakaroon ng sakit na psychosis.

Sa halip, ibat ibang benepisyo pa anila ang ibinibigay ng pagkakaroon ng puso sa ating araw-araw na buhay.

Sustansiyang taglay ng isda, ating alamin

Ang isda ay isa sa pangunahing pagkain at masarap na katambal ng gulay.

Ang isa ay sagana sa sustansiya na may benepisyo sa kalusugan.

Taglay nito ang maraming protina, vitamin d, at minerals.

Ang isda rin ay may omega-3 fatty acids na mahalaga sa katawan at utak, lalo na ang sardinas, mackerel, tilapia at salmon.

Alam mo ba na ang pagiging sobrang lamigin ay prone din sa iba’t ibang sakit tulad ng anemia, hypothyroidism at anorexia?

Ang hypothyroidism ay  isang kondisyon kung saan hindi nakakagawa ng sapat na thyroid hormones ang thyroid gland.

Ang mga taong kulang sa thyroid hormone ay maaaring madaling mapagod, mabilis lamigin, at manghina.

Ang anemia naman ay isang kondisyon kung saan kulang ang red blood cells sa katawan dahil sa kakulangan sa nutrisyon at labis na kakulangan sa pagtulog.

Ang mga taong may kaunting taba sa katawan o sobrang kapayatan o tinatawag ding anorexic ay maaaring nahihirapang mapanatili ang temperatura ng kanilang katawan at sa ilang mga kaso, ay maaaring magresulta sa hypothermia.

Upang mapanatili ang normal na temperatura sa katawan, ugaliing kumain ng tama at masusustansyang pagkain tulad ng gulay at prutas at mga pagkaing sagana sa iron tulad ng atay at laman ng baka, baboy at manok.

Iwasan din ang sobrang pagpupuyat at pagkakaroon ng sugat na maaaring sanhi ng pagkawala ng maraming dugo sa katawan. —mula sa panulat ni Hannah Oledan

Madalas bang nananakit ang inyong batok?

Pangkaraniwan ito lalo na sa mga nagtatrabaho sa opisina dahil sa madalas na nakaupo sa harap ng computer at madalas ay hindi maganda ang pag-upo o postura.

Isa rin ang pagkakaroon ng naipit na ugat sa mga dahilan kung bakit nananakit ang batok o heniated disk o bone spur kung tawagin.

Kadalasang sanhi ng pananakit ng batok ay ang pagkakaroon ng high blood. Madalas ito ay sinasamahan ng pananakit ng ulo, pagkahilo, at pagiging lightheaded.

Mainam na magpunta sa doktor upang mabigyan ng tamang diagnosis. Sa mga high blood naman ay ugaliing mag ehersisyo at iwasan ang pagkain ng matataba at masesebong pagkain.

Para sa agarang lunas sa pananakit ng batok, ugaliing ayusin ang pag-upo at paghiga upang hindi magkaroon ng poor posture na karaniwang sanhi ng pananakit ng batok.

Maaari ring gumamit ng cold compress at ipatong sa parte na sumasakit upang maibsan ito.  —sa panulat ni Hannah Oledan