INTERNATIONAL NEWS

Patay ang 38 katao sa siyudad ng Kaduna sa Northwestern Nigeria matapos ang pagatake ng mga armadong grupo.

Ayon kay Luka Binniyat, Spokesperson ng Southern Kaduna Peoples Union (SKPU), nagsimula ang pag-atake ng grupo noong Linggo ng gabi at nagpatuloy hanggang Lunes ng umaga kung saan pinagbabaril ang ilang mga residente at sinunog ang nasa 100 kabahayaan.

12 katao naman ang nakaligtas sa pag-atake na kasalukuyang nagpapagaling sa ospital habang patuloy namang pinaghahanap ang ilang nawawala.

Kinondena naman ni Binniyat ang pag-atake at nanawagan sa gobyerno na tiyakin ang kaligtasan ng mga mamamayan gayundin ng mga ari-arian.

Nabatid na inatake ng mga armadong kalalakihan ang daand-daang komunidad sa Northwestern ng Nigeria sa nakalipas ng mga taon habang patuloy namang ang “stage attacks” ng Islamic militants sa bahagi ng hilagang-kanluran ng naturang bansa. —sa panulat ni Jenn Patrolla

Nailigtas ang mahigit 73 indibidwal habang 30 mandaragat ang nawawala matapos lumubog ang isang warship sa bahagi ng Prachuap Khiri Khan Province sa Thailand.

Ito’y dahil sa malakas o malaking alon kaya natuluyang tumagilid at lumubog ang barko.

Ayon kay HTMS Kraburi Commanding Officer Captain Kraipich Korawee Paparwit, natagpuan nila ang isang lalaking may hawak ng life buoy at lumulutang sa tubig sa loob ng 10 oras, may malay pa ito kaya’t ito ay nailigtas.

Sinabi naman ng mga survivor, na hindi madali ang pag-rescue sa mga indibidwal dahil sa malalaking alon na umabot ng tatlong metro ang taas.

Samantala, ipinadala naman ang tatlong navy vessels at dalawang helicopters para sa search and rescue operations. —sa panulat ni Jenn Patrolla

Posibleng maharap sa anim na buwang pagkakabilanggo ang isang lalaki sa York, Northern England dahil sa “Threatening Behavior.”

Ito’y matapos pagbabatuhin ng itlog ni Patrick Thelwell si King Charles III sa gitna ng pagbisita nito sa lungsod noong nakaraang buwan.

Ayon sa Crown Prosecution Service, haharap si Thelwell sa Korte ng York Magistrates sa January 20 sa susunod na taon matapos mahatulang Guilty batay na rin sa sentencing guidelines.

Matatandaang noong Setyembre, hinirang bilang hari si Charles matapos pumanaw ang kaniyang ina na si Queen Elizabeth II kung saan, may ilang nagsagawa ng kilos protesta laban sa hereditary principle ng Monarchy dahil sa pagiging pinuno ni Charles sa nasabing bansa.

Pumalo na sa 31 ang bilang ng nasawi habang 37 ang sugatan sa naganap na pagsabog ng fuel tanker sa Salang Tunnel sa Kabul, Afghanistan.

Ayon sa otoridad, naging sanhi ng sunog dahil sa isang fuel truck na tumaob.

Isinarado ang tunnel matapos ang pagsabog at susubukan muli na buksan ito ngayong araw ng Martes, oras sa Pilipinas.

Nabatid na makasaysayan ang 2.6 kilometer long soviet-built tunnel ang engineering feat na nag-uugnay sa Kabul at sa hilaga ng Afghanistan. —sa panulat ni Jenn Patrolla

Patay ang 19 na indibidwal habang sugatan naman ang 13 pa matapos sumabog ang isang fuel tanker sa Salang Tunnel malapit sa Kabul, Afghanistan.

Ayon sa mga opisyal, kabilang sa mga nasawi ang mga kababaihan at kabataan habang may ilan pang mga survivor ang na-trap at nanatili pa rin sa loob ng naturang tunnel.

Samantala, patuloy namang nagpapagaling sa ospital ang mga nareskyung sugatan sa naganap na insidente.

Sa ngayon, hindi pa malinaw ang dahilan ng pagsabog kung saan, nagsasagawa pa ng imbestigasyon sa nabanggit na lugar.