INTERNATIONAL NEWS

Anim naputwalong pasahero ang kumpirmadong nasawi habang apat pa ang nawawala at patuloy na pinaghahanap matapos magcrash ang sinasakyan nilang eroplano sa bayan ng Pokhara, Nepal.

Ayon sa Nepal’s Civil Aviation Authority, pitumput dalawang pasahero kabilang na ang labing limang foreign national na binubuo ng Indians, Russians, South Koreans, Australian, Ireland, Argentina, at France, kasama na ang apat na crew members ang sakay ng twin-engine ATR 72 aircraft.

Sa pahayag ng mga otoridad, karamihan sa mga biktima ay nasunog dahil nahirapan silang lumapit para sagipin ang mga ito bunsod ng makapal na usok at init makaraang mag-apoy ang naturang eroplano.

Napag-alamang umikot sa himpapawid bago bumagsak sa bangin ang nasabing aircarft pero patuloy pa itong iniimbestigahan ng mga otoridad dahil hindi pa malinaw kung ano ang sanhi ng aksidente.

Magpapadala si British Prime Minister Rishi Sunak ng dalawang tangkeng pandigma para sa Ukraine.

Ayon kay Sunak, bahagi ito ng kanilang pinaigting na suporta sa laban ng Ukraine sa Russia.

Nagpasalamat naman si Ukranian President Volodymyr Zelensky sa UK para sa desisyon nitong palakasin ang kanilang ugnayan.

Nabatid na mahigit 300 modernized soviet tanks na ang natanggap ng Ukraine mula sa mga kaanib nitong bansa mula nang umatake ang Russia noong February 2022.

Aabot sa 60,000 nasawi na may kaugnayan sa COVID-19 ang naitala ng China sa loob lamang ng isang buwan.

Ito na ang pinakamalaking bilang na inilabas ng mga awtoridad mula nang paluwagin ng Beijing ang mga paghihigpit sa virus noong unang bahagi ng Disyembre.

Una rito, inakusahan na nag china sa hindi pag-uulat ng bilang ng mga nasawi sa Coronavirus mula nang iwanan ang patakaran nito na zero-covid.

Ilang dosenang pagkamatay lamang ang opisyal na naitala noong Disyembre, sa kabila ng punuang mga crematorium at ospital.

Ini-ugnay ng Federal Aviation Administration (FAA) sa “procedural error” ang nangyaring computer outage sa kanilang airline operations noong Huwebes.

Natukoy ng ahensya na nasira ang kanilang data file matapos hindi masunod ng kanilang tauhan ang mga panuntunan.

Mabilis namang naayos ang kanilang sistema kaya’t balik normal na ang kanilang operasyon makaraan lamang ang ilang oras.

Mababatid na halos 12,000 domestic at international flights ang naantala at nakansela dahil sa nasabing aberya. —sa panulat ni Hannah Oledan

Patay ang labing apat na sundalo habang sugatan naman ang labing isang indibidwal sa pag-atake ng mga militanteng grupo sa West Africa.

Nabatid na sumiklab ang kaguluhan matapos sumabog ang dalawang bomba sa ilang lugar sa central mali kung saan, tatlumput isang terorista pa ang nasawi.

Ayon sa mga otoridad, posibleng mga miyembro ng islamist militants ang nasa likod ng pagpapasabog na ngayon ay patuloy pang iniimbestigahan ang naganap na insidente sa lugar.

Matatandaang unang naitala ang insidente taong 2012 dahilan para patuloy na nakikipaglaban ang mga militar sa pag-asang mapapalayas sa lugar ang mga terorista.

Naghahanda na ang mga otoridad sa Iran sa execution ni British Iranian at dating Deputy Iranian Defense Minister Alireza Akbari na guilty sa kasong pag i-spy para sa United Kingdom.

Ayon ito sa may bahay ni Akbari matapos aniya silang abisuhan hinggil sa pagkakaalis sa solitary confinement ng dating opisyal at sinabihan sa huling pagbisita nila rito.

Patuloy ang pagtatangka ng UK authorities na mapigilan ang execution ni Akbari dahil ito aniya ay politically motivated ng barbaric regime na walang pagpapahalaga sa buhay.

Una na ring hiniling ng British officials ang urgent consular access subalit hindi naman kinikilala ng Iran ang dual citizenship.

Libo-libong domestic at international flights sa Amerika ang naantala matapos makaranas ng computer outage ang Federal Aviation Administration (FAA).

Batay sa datos ng flight aware na sumusubaybay sa pagkaantala at pagkansela ng mga byaheng pang-himpapawid, nasa 7,600 flights papunta, mula at sa loob ng United States ang naantala at higit sa 1,100 flights naman ang nakansela.

Unti-unti namang ipinagpatuloy ang mga operasyon sa himpapawid dakong alas dies ng gabi, oras sa Pilipinas matapos i-lift ang isang ground stop order na nagpapatigil sa mga domestic departures para sa lahat ng airline.

Sa ngayon wala pang katibayan na ang pagbagsak ng teknolohiya sa paglalakbay sa himpapawid ay dahil sa cyber-attack, sinabi ng Transport Secretary Pete Buttigieg, ngunit hindi rin niya ito ibubukod.  –  sa panulat ni Hannah Oledan

Binawi ng Thailand ang ipinatutupad na entry policy sa mga turistang magpupunta sa kanilang bansa.

Matatandaang nagpatupad ng polisiya ang Thailand kung saan, obligadong magpakita ng covid-19 vaccine certificate ang mga dayuhang nais pumasok o magbakasyon sa kanilang bansa.

Kasunod narin ito ng pangamba matapos ang muling pagsirit ng covid-19 cases sa China at pagluluwag ng restriksiyon sa beijing.

Ayon kay health ministry ng Thailand, magiging malaking abala lang ang naturang hakbang kung saan nagkasundo na ang mga eksperto na alisin ang nasabing kautusan.

Matatandaan na ang Thailand ay kabilang sa mga popular destination sa Asya kung saan, noong nakaraang taon, pumalo sa mahigit isang milyong turista ang bumisita sa bansa.