Pangungunahan ni Manila Archbishop Luis Antonio Cardinal Tagle ang ika-39 na CMMA o Catholic Mass Media Awards ngayong araw.
Kabilang si Cardinal Tagle at iba pang lider simbahan sa may 800 mga panauhin ganap na alas 5:00 mamayang hapon at gagawin sa Star Theater, CCP Complex, Pasay City.
Inaasahang dadalo sa nasabing awards night ang mga obispo, pari, madre at iba pang mga relihiyoso mula sa iba’t ibang parokya gayundin ang mga community at civic leaders at ang iba’t ibang media practitioners.
Kabilang sa mga inaasahang magbibigay ng kanilang talumpati si Ginoong D. Edgard Cabangon, ang chairman ng ALC Group of Companies at Aliw Broadcasting Corporation Chairman and President gayundin si Fr. Rufino Jun Sescon, trustee at executive director ng CMMA.
