Magkasamang sinalubong ng showbiz couple na sina Catriona Gray at Sam Milby sa Australia ang pagtatapos ng 2022.
Batay sa kanyang instagram post, ibinahagi ni Miss Universe 2018 ang mga larawan kasama ang kanyang pamilya at ang kanyang boyfriend.
Kamakailan lamang ay nag-post ang beauty queen ng isang larawan na may caption na “Happiest” kung saan kasama si Sam na nasa Western Australia at nagdulot ng espekulasyon na tila engage na ang dalawa.
Dinagsa naman ng komento ng kanilang mga tagahanga at ilang kaibigan sa industriya ang post.
Matatandaang, kinumpirma ng showbiz couple ang kanilang relasyon nuong May 2020.
