Nakiisa sa pagdiriwang ng ika-500 taong tagumpay ng bansa sa labanan sa Mactan si dating Miss Universe Catriona Gray nitong Martes.
Batay sa instagram post ni Gray, ang tagumpay ng bansa sa naturang labanan sa pamumuno ng ating bayaning si Lapu-lapu ay nakapagbigay inspirasyon sa kanya.
Aniya, ito ay nagpapaalala ng katapangan, pagkahabag, pakikipag-kapwa at tagumpay ng Pilipino.
Magugunitang si Gray ay ambassadress ng National Commission for Culture and the Arts (NCAA).
