Sumalang sa 14-day quarantine si Cavite 5th District Rep. Dahlia Loyola at mister nitong si Carmona Mayor Roy Loyola.
Ito’y makaraang magpositibo sa COVID-19 ang isa sa kanilang mga anak.
Pahayag ng mag-asawa, lahat ng naging close contact ng kanilang anak na na-infect ng COVID ay sumailalim sa RT-PCR test.
Negatibo naman lahat ngunit kailangang sumunod sa istriktong 14-day quarantine bilang bahagi ng health protocols na ipinatutupad ng Inter-Agency Task Force (IATF).
Samantala, tiniyak ng mag-asawa na hindi apektado ang kanilang serbisyo, kabilang ang pamamahagi ng ayuda sa mga residente.
