Umapela ng karagdagang medical personnel ang lokal na pamahalaan ng Cebu City sa gitna ng patuloy na pagtaas ng kaso ng COVID-19.
Ayon kay Acting Mayor Michael Rama, wala naman aniyang problema sa ngayon sa kapasidad ng mga kamang nakalaan para sa mga pasyenteng may COVID-19, ngunit talagang ang kulang talaga sa kanila ay tao.
Umaasa si Rama na matutulungan sila ng gobyerno, professional regulation commission at medical at nursing associations para matugunan ang problema ng Cebu sa manpower.
