Isinailalim na sa enhanced community quarantine ang lalawigan ng Cebu.
Idineklara ito ni cebu Governor Gwendolyn Garcia sa pamamagitan ng isang executive order.
Sa ilalim ng EO No. 5-N, ipinagbabawal ang pagpasok sa Cebu ng lahat ng biyahero na sakay ng international flights simula hatinggabi ng March 27.
Samantala, papayagan naman ang lahat ng mga nais na lumabas ng lalawigan.
Walang ipatutupad na restriction sa pagpasok at paglabas ng lahat ng cargo sa mga airports at seaports ng lalawigan upang hindi maapektuhan ang suplay ng pangunahing pangangailangan lalo na ng pagkain.
Nasasaad sa kautusan na tutulong ang PNP, AFP, at lahat ng security forces na nasa Cebu province sa pagpapatupad ng enhanced community quarantine.
