Nagpatikim ng kaniyang kanta sa ilalabas na bagong album si Canadian singer Celine Dion.
Ang paglalabas ng teaser ng nasabing kanta sa album niyang ‘Courage’ ay ginawa ni Dion sa pagsisimula ng kaniyang Courage World Tour sa Quebec City bago ilabas ang naturang album sa November 16.
Nakapaloob sa nasabing album na una ni Dion makalipas ang 16 na taon ang mga kantang imperfections, lying down at ang title track na courage.
Bukod sa Quebec City nakatakda rin ang world tour ni Dion sa Montreal at iba’t-ibang lugar sa Amerika sa October 18 at iba pang bansa hanggang April 2020.
