Pormal ng nagbitiw sa pwesto bilang Tourism Promotions Board Chief Operating Officer si Cesar Montano.
Ito ang kinumpirma ni Tourism Secretary Berna Romulo-Puyat na nagsumite na sakaniya ng resignation si Montano.
Una rito, pinagpaliwanag ni Puyat si Montano kaugnay sa paunang bayad na 80 Milyong Piso para sa Buhay Carinderia Project ng TPB.
Kasabay nito, tiniyak ni Puyat na magpapatuloy ang paglilinis sa loob ng DOT sa ilalim ng kaniyang pamumuno lalo’t hinggil sa mga proyektong hindi angkop na paglaanan ng pondo ng kagawaran.
