Handa nang tumapak muli sa Batasan Pambansa si Pampanga 2nd District Rep. Gloria Arroyo matapos ang halos 5 taong pagkakabilanggo.
Kinumpirma ni Ginang Arroyo na dadalo siya sa pagbubukas ng 17th Congress at unang State of the Nation Address ni Pangulong Rodrigo Duterte, mamayang hapon.
Ayon sa dating Pangulo, wala naman siyang sama ng loob sa kanyang mga nakaaway subalit dapat maging patas ang proseso sa pagpapanagot sa mga government official na nasasangkot umano sa katiwalian.
Bukod sa Kongresista, dadalo rin sina dating Pangulong Fidel Ramos at Joseph Estrada na ngayo’y alkalde ng Maynila sa SONA ni Duterte.
Tanging si Benigno “Noynoy” Aquino III sa hanay ng mga dating Pangulo ang hindi dadalo sa unang SONA ni Pangulong Duterte, mamaya.
By Drew Nacino
