Bumagsak ang pangangatawan ni dating Pangulo at ngayo’y Pampanga Representative Gloria Macapagal-Arroyo dahil sa dinaranas nitong sakit kaya kailangan nito ng panibagong operasyon.
Ayon kay dating Candaba Mayor Jerry Pelayo, nanghihina ang dating Pangulo dahil hindi naman ito nasisikatan ng araw habang nasa hospital arrest sa Veterans Memorial Medical Center (VMMC).
Dagdag ni Pelayo, ang advice ng kanyang mga doktor ay sumailalim muli ito sa panibagong operasyon subalit hindi naman ito pinahihintulutan na makalabas ng bansa para sa kanyang medical treatment.
Sinabi ni Dra. Lyde Magpantay, Rehabilitation Medicine, nahihirapan si Mrs. Arroyo sa paglulon ng pagkain, nakakaramdam na din ito ng matinding kirot at nakakaramdam na rin ng pamamanhid sa mga braso nito.
By Mariboy Ysibido
