Pinayagan na ng Sandiganbayan 1st Division si dating Pangulo at ngayo’y Pampanga Congresswoman Gloria Macapagal Arroyo na makapunta sa lamay at libing ng kapatid nitong si Arturo Macapagal.
Batay sa resolusyon ng Sandiganbayan, ngayon at bukas ng alas-4:00 ng hapon ay maaaring makipaglamay si Arroyo hanggang alas-8:00 ng gabi.
Pinapayagan din si Arroyo na makapunta sa misa at libing ng kapatid nito sa Agosto 15 mula alas-10:00 ng umaga hanggang alas-2:00 ng hapon araw ng Sabado.
Gayunman, ibinasura na ng Sandiganbayan ang hiling ni Arroyo na makapunta sa ika-siyam na araw ng nobena para kay Macapagal sa Agosto 19.
By Ralph Obina
