Nasa kanyang tahanan na sa La Vista sa Quezon City si dating Pangulo at Pampanga Representative Gloria Macapagal Arroyo.
Ito’y makaraang payagan ng Korte Suprema ang inihaing Christmas at New Year furlough ng kampo ni Ginang Arroyo.
Dahil dito, makakasama ni Ginang Arroyo ang kanyang pamilya, kaanak at malalapit na kaibigan mula alas-8:00 ng umaga kahapon hanggang ala-5:00 ng hapon sa Sabado, Disyembre 26.
Susundan naman ito sa kaparehong oras sa Disyembre 30, Rizal Day hanggang Enero 2 para naman makapag-Bagong Taon.
Umaasa naman ang kampo ni Ginang Arroyo na mabisita siya ni Pangulong Noynoy Aquino para makita ang kanyang kasalukuyang sitwasyon na ayon sa mga malalapit na kaibigan nito’y malaki ang ipinayat ng pangangatawan.
By Jaymark Dagala
