Muling iginiit ni dating Pangulo ngayo’y Pampanga Rep. Gloria Macapagal Arroyo na wala siyang interes sa posisyon ng House Speaker.
Ito’y makaraang lumutang ang pangalan ni Arroyo sa girian nila House Speaker Pantaleon Alvarez at Davao Del Norte Representative Antonio Floirendo Jr.
Magugunitang nagsilbi si Arroyo bilang deputy speaker ng Kamara ngunit tinanggal siya ni Alvarez makaraang bumoto kontra sa muling pagbabalik ng parusang bitay.
Kilalang masugid na taga-suporta ni Arroyo si Floirendo na inakusahan naman ni Alvarez na nagsamantala nang pumasok ang kaniyang kumpaniyang TADECO sa isang kontrata sa Bureau of Corrections hinggil sa lupang inupahan sa Davao Penal Colony.
By: Jaymark Dagala / Jill Resontoc
