Lumabag ang China sa nilagdaang memorandum of understanding nito sa pagitan ng Amerika noong isang taon.
Ito ang lumabas sa report ng Pentagon makaraan ang insidente ng panggigitgit ng dalawang fighter jets ng China sa US military aircraft noong isang linggo.
Ayon kay Bill Urban, tagapagsalita ng US Defense Department, malinaw na paghahamon ang ginawa ng China lalo’t batid naman nito ang ginagawang pamamagitan ng Amerika sa usapin ng territorial dispute sa West Philippine Sea.
Kaugnay nito, sinabi ni Urban na inilapit na ng Amerika sa Chinese government ang usapin kasabay ng isinagawang military maritime consultative agreement talks sa ginawa sa Hawaii.
By Jaymark Dagala
