Kumpiyansa ang Tsina na babalik ang magandang relasyon ng kanilang bansa sa Pilipinas sa ilalim ng Duterte administration.
Laman ito ng liham ni Chinese President Xi Jinping kay President-elect Rodrigo Duterte kasabay ng pagbati sa pormal na proklamasyon niya bilang presidente ng Pilipinas.
Binigyang diin umano ni President Xi Jinping ang mahaba nang kasaysayan at malalim na pagkakaibigan ng kanilang bansa at ng Pilipinas.
Matatandaan na tila nagkalamat ang pagkakaibigan ng Pilipinas at China dahil sa pag-aagawan ng teritoryo sa West Philippine Sea na naiakyat na sa International Tribunal sa The Hague.
By Len Aguirre
