Inihayag ng isang political analyst na makabubuting i-deklarang ‘persona non-grata’ si Chinese Ambassador to the Philippines Huang Xilian at agarang i-recall ang ating kinatawan sa China.
Ito’y ayon kay Professor Clarita Carlos matapos ang paulit-ulit na pang-bubully at panghihimasok ng mga sasakyang pandagat ng China sa mga katubigang pag-aari ng Pilipinas.
Giit ni Carlos, batid ng bawat isa na mahina ang pantapat ng bansa laban sa China, kaya’t nararapat anitong humingi na ng tulong ang bansa sa mga kaalyado nito.
Paliwanag ni Carlos, ang dapat lang na hingan ng tulong ng bansa ay kaalyado nito na hindi kayang tapatan o labanan ng China gaya ng Estados Unidos na dati pa naman aniya ay nakasuporta na sa bansa.
