Arestado matapos ipakulong ng sariling amo ang isang Chinese cashier dahil ginastos nito ang kita sa karinderia sa Pasay City.
Kinilala ang suspek na si Pan Jian Hong, 34-anyos na cashier sa Jasonguy eatery na matatagpuan sa San Juan st., brgy. 8, zone 2, Pasay City.
Ayon sa imbestigasyon, nabisto ang suspek dahil sa sorpresang pagimbentaryo at pag-audit ng kaniyang amo na si James Ariel Cuevas Lim, 28-anyos dahil madalas umanong kulang ang kinikita ng suspek.
Dito na napag-alaman ng may-ari na naipatalo ni Hong ang nasa P200,000 kita ng kanilang negosyo.
Nahaharap sa kasong qualified theft ang inarestong suspek. —sa panulat ni Angelica Doctolero
