Patay ang dalawang Chinese national matapos tambangan sa bahagi ng Pedro Gil sa Roxas Boulevard north bound lane sa lungsod ng Maynila.
Kinilala ang mga biktimang sina Houcheng Chen na agad nasawi sa lugar na pinangyarihan ng krimen at Chen Weishing Lee na naisugod pa sa Ospital ng Maynila pero namatay din matapos ang ilang minuto.
Batay sa inisyal na imbestigasyon ng Manila Police District, galing sa isang casino sa Pasay City ang mga Chinese national sakay ng isang Toyota Vios nang biglang sumulpot ang dalawang riding in tandem at pagbabarilin ang mga ito.
Matapos ang krimen, agad namang tumakas ang apat na suspek.
Narekober naman ng MPD sa pinangyarihan ng krimen ang anim na basyo ng bala at isang slug ng kalibre .45 baril.
Habang, patuloy namang iniimbestigahan ng pulisya ang motibo sa pananambang at pagkakakilanalan ng mga suspek.
—-
