Nanindigan si Senador Francis Chiz Escudero na hindi niya iiwan ang running mate na si Senadora Grace Poe.
Ito ay sa kabila ng mga akusasyon ng ilang grupong kakalas si Escudero sa tambalan nila ni Poe dahil sa nakabitin pa ngayon ang kandidatura ng senadora bunsod ng mga kinakaharap na disqualification case.
Naniniwala si Escudero na nais lamang silang pag-awayin ng matalik niyang kaibigang si Poe kaya’t pinalulutang ang naturang mga isyu.
Ipinagmalaki ni Escudero na sa lahat ng tandem ngayon sila aniya ni Poe ang may matagal at malalim na pinagsamahan.
Binigyang diin ni Escudero na kanyang susuportahan si Poe katulad ng ibinigay nitong suporta sa ama ng senadora na si Fernando Poe Jr.
By Ralph Obina
