Nilinaw ng CHR o Commission on Human Rights na hindi sila maaaring sumama sa mga police operations kahit pa ang mga operasyon sa ilalim ng war on drugs.
Paliwanag ni CHR Chair Chito Gascon, sila’y monitoring at watchdog institution lamang at independent mula sa executive branch.
Kapag sumama anya sila sa mga operasyon para na rin aniya silang nagpasakop sa ehekutibo.
Sinabi ni Gascon na papasok lang sila kapag tapos na ang mga operasyon upang imbestigahan kung umabuso sa karapatang tao ang mga awtoridad.
Hindi man sila makakasama sa mga police operation hiniling naman ni Gascon sa PNP o Philippine National Police na pagsuotin ng mga body camera ang mga pulis na sasabak sa mga operasyon.
By Jonathan Andal
