Umatras na si Los Angeles Clippers Point Guard Chris Paul na maging bahagi ng 2016 USA Olympic Squad.
Ayon kay Paul, physical demands ang kanyang rason sa pag-atras.
Maliban dito, sa halip na mag-training at mawala ng matagal ay magagamit pa ni Paul ang kanyang oras para sa kanyang pamilya partikular sa anak nitong lalake.
Si Chris Paul ay naglaro para sa US team noong 2008 at 2012 Olympics.
Sa kabila nito, tiniyak naman ng team USA na hindi makakaapekto ang pag-atras ni Paul sa binubuong koponan na lalaban sa Rio Olympics dahil kabilang naman sa roster ng mga point guards ay sina Stephen Curry ng Golden State, Russel West Brook ng Oklahoma City, Kyrie Irving ng Cleveland at marami pang iba.
By Ralph Obina
