May magandang balita na naghihintay sa may 720,000 guro sa mga pampublikong paaralan sa buong bansa.
Ito’y dahil sa inaasahang makatatanggap sila ng mula P34,000 hanggang P64,000 na Christmas bonus.
Ayon sa Teachers’ Dignity Coalition, doble hanggang triple ang nabanggit na halaga sa mga natanggap na Christmas bonus ng mga pampublikong guro noong mga nakalipas na taon.
Mula sa mahigit P19,000 basic salary, makatatanggap din ang mga guro ng P5,000 performance based bonus, year-end bonus na katumbas ng basic salary, dagdag na P5,000 bilang cash gift at P5,000 pa bilang productivity enhancement incentive.
By Jaymark Dagala
