Nasa Pilipinas muli ang Dabarkads na si Julia Clarete.
Matatandaan na biglaan ang kanyang pagkawala sa Eat Bulaga kung saan naging Dabarkad siya sa mahigit 10 taon.
Wala rin siyang naging pormal na pagpapaalam sa kanyang mga fans.
Halos magkasunod na lumabas ang balita ng kanyang pag-alis sa hiwalayan naman ng mag-asawang Ciara Sotto at Jojo Oconer kaya inisip ng ilan na may kinalaman siya dito.
Ngunit itinanggi ito ni Julia at nilinaw na ang tunay na dahilan ng kanyang pag-alis ay ang paninirahan nila for good sa Malaysia.
At kagabi nga ay nag-post ng dalawang video si Ciara sa kanyang Instagram kung saan ipinakitang binisita siya ni Julia at ang anak nitong si Sebastian sa kanilang tahanan.
Makikita sa video na all is well ang relasyon sa pagitan ng dalawa at walang katotohanan ang mga balitang si Julia ang third party sa mag-asawang Sotto at Oconer.
By Arianne Palma
