Matapos masibak noong Abril, nakakuha ng panibagong termino bilang alkalde si Mayor Cicero Cawaling ng Malay, Aklan; ang bayan na nakakasakop sa Boracay Island.
Iprinoklama na si Mayor Cawaling makaraang makakuha ng mahigit sa 16,000 boto samantalang mahigit sa 12,000 boto lamang ang pumapangalawa sa kanya sa bilangan.
Matatandaan na sinibak ng Department of Interior and Local Government si Cawaling noong Abril makaraang ideklara itong guilty ng Office of the Ombudsman sa kasong gross neglect of duty.
Ang mga kasong isinampa laban kay Cawaling sa ombudsman ay mayroong kaugnayan sa pagkasira ng Boracay.
