Sinibak na sa puwesto ang hepe ng Criminal Investigation and Detection Group o CIDG sa Region 8 na si Supt. Marvin Marcos.
Ito’y ilang araw lamang matapos ang kaduda-dudang pagsalakay ng grupo ni Marcos sa Leyte Sub Provincial Jail sa Baybay City na ikinasawi ni Albuera Mayor Rolando Espinosa.
Ayon kay eastern Visayas Regional Information Officer C/Insp. Ma. Bella Rentuaya, pinasasailalim ng Kampo Crame si Marcos sa administrative relief bilang bahagi ng standard operating procedure o SOP habang nagpapatuloy ang imbestigasyon.
Nagpalabas na rin ani Rentuaya ng guidelines ang national headquarters na nag-aatas sa kanilang iwasan ang magbigay ng anumang komento o haka-haka sa nangyaring insidente.
By Jaymark Dagala
