Patay ang isang empleyado ng Calbayog City Hall sa Samar matapos tambangan ng dalawang hindi nakikilalang salarin.
Kinilala ang nasawi na si Joseph Ortega habang sugatan naman ang kasama nitong si Manuel Sahul na sinasabing taga suporta rin ng reeelectionasitang si Calbayog City Mayor Ronaldo Aquino.
Batay sa ulat, minamaneho ni Ortega ang isang Mitsubishi Adventure nang bigla silang pagbabarili sa Barangay Marcatubig.
Ito na ang ika-apat na insidente ng karahasan laban sa mga taga suporta ni Mayor Aquino at ilang political leaders sa lungsod ngayong Mayo.
Unang pinaslang si Barangay Salvacio Chairman Danny Wahingon noong Mayo 1, sinundan ng pagpatay kay Barangay Cagsalaosao Chairman Dennis Dy noong Mayo 4 at Barangay Cagbilang Kagawad Benjamin Mayran noong Mayo 8.
