Nakiisa ang mga opisyal at empleyado ng Climate Change Commission (CCC) PH sa coastal clean-up activity sa SM by the Bay sa Pasay City nitong weekend bilang bahagi ng pagdiriwang ng International Coastal Clean-up Day.
Nakakolekta ang CCC team ng kabuuang 107.45 kilograms ng sari-saring mga basura tulad ng bottles & caps, packaging materials, plastic sachets, grocery bags, maliliit na plastic at sytro foam.
Ang grupo ng CCC PH ay pinangunahan nina Office of Vice Chair at Executive Director Robert Borje, Offices of Commissioners Rachel Anne Herrera at Albert Dela Cruz, at ng mga kinatawan mula sa Strategic Partnership Division, Implementation Oversight Division, Policy Research and Development Division, Administrative and Finance Division, Information and Knowledge Management Division, at Legal Services Division.
