Patuloy na nakaalerto ang Philippine Coast Guard o PCG para bantayan mga biyahero na nagsisipag-uwian matapos ang holiday season.
Umaapela naman ang PCG sa lahat ng mga mananakay na kasalukuyang nasa mahahabang pila na dapat habaan din ng mga ito ang kanilang pasensya.
Ayon kay PCG Spokesman Commander Armand Balilo, pinaalalahanan na nila ang mga may-ari at operator ng barko na tiyaking tama ang bilang ng mga pasahero na nasa opisyal na manifesto na kanilang isinusumite.
Dapat din aniyang kumpleto ang mga gamit pangkaligtasan at mga communication equipment ng mga sasakyang pandagat.
By Jelbert Perdez | Aya Yupangco (Patrol 5)
