Binawian ng buhay ang isang trainee ng Philippine Coast Guard na sumali sa company run sa summer sports festival sa Dipaculao, Aurora.
Ayon sa PCG, hinimatay ang trainee matapos ang company run bilang bahagi ng sports fest ng coast guard non-officers’ course sa Barangay Mijares, ng nasabing lugar.
Dinala ang biktima sa ospital para bigyan pa ng atensyong medical, ngunit ideneklara na siyang patay.
Kaugnay nito, nagpaabot ng pakikiramay si Coast Guard Commandant Admiral Ronnie Gavan sa pamilya ng nasawing trainee. – sa panunulat ni Charles Laureta
