Hindi pa umano handang maging Pangulo ng Actors Guild of the Philippines ang aktor na si Coco Martin.
Sinabi ito ni Coco matapos kumpirmahin na marami sa mga kasamahan niyang artista ang humihikayat sa kanya na tumakbo para sa nasabing posisyon.
Gayunpaman, inamin ng aktor na natatakot siyang sumabak sa responsibilidad lalo’t kilala niya ang sarili na hindi pumapasok sa isang bagay kung wala naman siyang magagawa.
Kapag handang-handa na, aniya, siya at alam niyang malaki na ang maitutulong niya, saka niya pamumunuan ang mga kapwa artista.
Dagdag pa ni Coco, sa ngayon, dahan-dahan na lang muna siyang tutulong sa kanyang mga kasamahan sa showbiz.
By: Avee Devierte
