Itinalaga ng Metropolitan Manila Development Authority (MMDA) si Colonel Edison “Bong” Nebrija bilang bagong Task Force Operations Head.
Ito ay bilang paghahanda sa pagbabalik ng inaasahang paglala ng daloy ng trapiko ngayong bukas na ang halos lahat ng establisyimento sa publiko sa pagbaba ng alert level 1 sa kamaynilaan.
Ayon kay MMDA General Manager Romando Artes, pinapalawak ng promosyon kay Nebrija ang sakop nito upang maayos ang trapiko sa buong Maynila.
Sinabi naman ni Nebrija na paiigtingin ang clearing operations sa mga lanes, gagawa rin umano sila ng mga alternatibong ruta at palalakasin rin aniya ang anti-colorum operations ng ahensiya. – sa panulat ni Mara Valle
