Arestado ng NBI ang isang college dean sa Surigao City matapos ireklamo ng sextortion ng 21 anyos na estudyante.
Kinilala ang college dean na si Randy Retulla.
Batay sa sumbong ng estudyante, kinunan siya ng hubad na larawan ng suspek nang minsan silang magsama sa isang hotel disyembre nitong 2017.
Ipinost umano ng suspek sa Facebook ang mga naturang larawan.
Nakiusap ang estudyante na alisin ang mga litrato pero hininging kapalit ng suspek ay pakikipagtalik.
Umabot umano sa pitong beses ang pananamantala ng college dean sa estudyante bago ito nagsumbong sa NBI.
Hindi naman na muna nagbigay ng kanyang panig ang inirereklamong college dean.
